శ్రీకాళహస్తిలో అర్చకుడిపై దాడి; అసభ్య ప్రవర్తన ఆరోపణలపై వివాదం

తిరుపతి జిల్లా శ్రీకాళహస్తిలోని కాశీ విశ్వేశ్వరస్వామి ఆలయ అర్చకుడు నరసింహమూర్తిపై ఆలయ ప్రాంగణంలో దాడి జరిగింది.

ఆలయంలో పనిచేస్తున్న ఒక మహిళపై అర్చకుడు అసభ్యకరంగా ప్రవర్తించారన్న ఆరోపణలు వచ్చాయి. ఈ నేపథ్యంలో ఆమె బంధువులు ఆగ్రహంతో దాడి చేసినట్లు సమాచారం. బాధిత మహిళ మాట్లాడుతూ, తాను కాశీ విశ్వేశ్వరాలయం మొదటి గేటు వద్ద పనిచేస్తున్నానని చెప్పారు. అర్చకుడు తనను పిలిపించి, ఆలస్యంగా వచ్చావని చీపురుతో కొట్టాడని ఆమె ఆరోపించారు.

ఘటనపై పోలీసు కేసు నమోదు కాకుండా రాజీ మార్గంలో పరిష్కరించేందుకు ప్రయత్నాలు జరుగుతున్నట్లు తెలుస్తోంది. ఆలయ అధికారులు ఎలాంటి చర్యలు తీసుకుంటారనేది ఇంకా స్పష్టంగా తెలియలేదు. ఈ ఆరోపణలపై అర్చకుడు నరసింహమూర్తి స్పందన అందలేదు.