భీమవరంలో టంగుటూరి ప్రకాశం పంతులు 154వ జయంతి వేడుకలు

పశ్చిమ గోదావరి జిల్లా భీమవరంలో టంగుటూరి ప్రకాశం పంతులు 154వ జయంతి కార్యక్రమాన్ని నిర్వహించారు. ఈ సందర్భంగా ప్రకాశం చౌక్‌లో ఏర్పాటు చేసిన విగ్రహాన్ని కేంద్ర మంత్రి శ్రీనివాస వర్మ ఆవిష్కరించారు.

కార్యక్రమంలో మంత్రి మాట్లాడుతూ స్వాతంత్ర్య సమరయోధుల త్యాగాలను యువత ఆదర్శంగా తీసుకోవాలని కోరారు. చరిత్ర పుస్తకాల్లో కొంతమంది సమరయోధులకు తగిన గుర్తింపు దక్కలేదని ఆయన అభిప్రాయపడ్డారు.

గుర్తింపు పొందని సమరయోధులకు గుర్తింపు కల్పించేందుకు కేంద్ర ప్రభుత్వం ఆజాదీ కా అమృత్ మహోత్సవ్ కార్యక్రమాన్ని నిర్వహిస్తోందని తెలిపారు. అల్లూరి సీతారామరాజుకు సంబంధించిన కార్యక్రమానికి ప్రధాని నరేంద్ర మోడీ హాజరయ్యారని ఆయన గుర్తు చేశారు. నిర్వాహకులను మంత్రి అభినందించారు.