తిరుపతి 60వ వార్డులో ఉద్రిక్తత: దొంగ ఓట్ల ఆరోపణలపై వాగ్వాదం, కలెక్టరేట్ వద్దనూ తన్నిక

తిరుపతి 60వ వార్డులో పోలింగ్ సమయంలో ఉద్రిక్తత చోటు చేసుకుంది. జనసేన అభ్యర్థి సుభాషిణి, రెబెల్ అభ్యర్థి ఆదం సుధాకర్ రెడ్డి, YSRCP అభ్యర్థి వంశీ మధ్య పోటీ నెలకొంది.

ఆదం సుధాకర్ రెడ్డి వర్గీయులు దొంగ ఓట్లు వేస్తున్నారని జనసేన శ్రేణులు ఆరోపించాయి. అనుమానాస్పద ఓటర్లను వారు అడ్డుకున్నారు. దీంతో ఇరు వర్గాల మధ్య వాగ్వాదం చోటు చేసుకుంది. ఈ ఆరోపణపై ఆదం సుధాకర్ రెడ్డి వర్గం స్పందన లభ్యం కాలేదు.

సమాచారం అందుకున్న పోలీసులు ఘటనా స్థలానికి చేరుకున్నారు. పరిస్థితిని అదుపులోకి తీసుకొచ్చే ప్రయత్నం చేశారు. AP హస్తకళా కార్పొరేషన్ చైర్మన్ పసుపులేటి హరిప్రసాద్ కూడా అక్కడికి చేరుకున్నారు. తనను ఓడించేందుకే దొంగ ఓట్లు వేస్తున్నారని ఆరోపిస్తూ జనసేన అభ్యర్థి సుభాషిణి కన్నీళ్లు పెట్టుకున్నారు.

అదే రోజు తిరుపతి కలెక్టరేట్ వద్దనూ ఉద్రిక్తత నెలకొంది. కలెక్టర్‌ను కలిసేందుకు వచ్చిన ఎంపీ గురుమూర్తి, శ్రీకళహస్తి మాజీ ఎమ్మెల్యే మధుసూదన్ రెడ్డి తదితర ప్రజా ప్రతినిధులను లోపలికి వెళ్లే ముందు అనుమతి తీసుకోవాలని పోలీసులు సూచించారు. ప్రజా ప్రతినిధులు అనుమతి ఎందుకు తీసుకోవాలని YSRCP నేతలు ప్రశ్నించారు. దీంతో పోలీసులు, YSRCP నేతల మధ్య వాగ్వాదం జరిగింది. అనంతరం కలెక్టర్ అనుమతి లభించడంతో వారు కలెక్టర్‌ను కలిశారు.