20 మంది టీఎంసీ ఎంపీలు నేషనలిస్ట్ సిటిజన్స్ పార్టీలో విలీనం, ఎన్డీఏకు మద్దతు ప్రకటన

పశ్చిమ బెంగాల్‌లోని తృణమూల్ కాంగ్రెస్‌లో చీలిక బహిరంగమైంది. 20 మంది లోక్సభ ఎంపీలతో కూడిన తిరుగుబాటు వర్గం ట్రిపుర కేంద్రంగా పని చేస్తున్న నేషనలిస్ట్ సిటిజన్స్ పార్టీ ఆఫ్ ఇండియా (ఎన్‌సీపీఐ) లో విలీనం అవుతున్నట్లు ప్రకటించింది.

ఈ మెరకు లోక్సభ స్పీకర్ ఓం బిర్లాను కలిసి వారు లేఖ సమర్పించారు. పార్లమెంటులో విడిగా కూర్చుంటూ ఎన్డీఏకు మద్దతు ఇస్తామని ఎంపీలు తెలిపారు. పార్టీ ఫిరాయింపుల నిరోధక చట్టం నుంచి రక్షణ పొందేందుకు ప్రత్యేక వర్గంగా కాకుండా ఇప్పటికే ఉన్న ప్రాంతీయ పార్టీతో విలీనం కావాలని నిర్ణయించినట్లు సమాచారం.

ఈ చర్యను టీఎంసీ తీవ్రంగా ఖండించింది. తిరుగుబాటు ఎంపీలకు ఎలాంటి గుర్తింపు ఇవ్వవద్దని కోరుతూ స్పీకర్‌కు పార్టీ నేతలు లేఖ ఇచ్చారు. ఈ విషయంపై హైకోర్టుకు వెళ్లే అవకాశం ఉన్నప్పటికీ తుది నిర్ణయం పార్టీ అధినేత మమతా బెనర్జీ తీసుకుంటారని చెబుతున్నారు. కొత్త పార్టీగా గుర్తింపు రావడానికి చాలా ప్రక్రియలు మిగిలి ఉన్నాయని మమతా వర్గం వాదిస్తోంది.

లోక్సభలో టీఎంసీకి ఉన్న 28 మంది ఎంపీలలో 20 మంది బయటకు రావడంతో ఆ పార్టీ బలం గణనీయంగా తగ్గనుంది. రాబోయే వర్షాకాల పార్లమెంట్ సమావేశాలకు ముందు ఈ పరిణామం జాతీయ రాజకీయాల్లో చర్చనీయాంశంగా మారింది.