తొలి ఏకాదశి: చదవాల్సిన శ్లోకం, వ్రత నియమాలు

తొలి ఏకాదశి ఆషాడ మాసంలో శుక్ల పక్షంలో వస్తుంది. దీనిని తొలి ఏకాదశి, సైన ఏకాదశి అని పిలుస్తారు. దక్షిణాయనంలో మొట్టమొదటి పర్వదినం కావడంతో ఈ ప్రత్యేకత ఉంది.

ఈ రోజు శ్రీ మహావిష్ణువు యోగ నిద్రలోకి ప్రవేశిస్తాడని భక్తుల విశ్వాసం. ప్రాపంచిక విషయాల నుండి విడివడి, ఆత్మ సాక్షాత్కారం వైపు నడవాలనే సందేశం ఇందులో ఉంది.

మంత్రశాస్త్రం ప్రకారం, పూజగదిలో దీపం పెట్టిన తర్వాత ఈ శ్లోకం చదవాలి: "త్వైసుక్తే జగన్నాథ జగత్సుప్తం భవేదిదం, విబుద్ధే త్వై బుద్ధేత తత్సర్వం సచరాచరం." దీని అర్థం: జగన్నాథుడు నిద్రిస్తే లోకమంతా నిద్రిస్తుంది; మేల్కొంటే సమస్త సృష్టి మేల్కొంటుంది.

ఈ రోజు ఏకాదశి వ్రతం ఆచరిస్తే ఏడాదికి వచ్చే అన్ని ఏకాదశి వ్రతాల ఫలం లభిస్తుంది. అనారోగ్యులు, వృద్ధులు, చిన్న పిల్లలు పూర్తి ఉపవాసం చేయకూడదు; వారు పాలు, పళ్ళు తీసుకోవచ్చు. ఆరోగ్యవంతులు మాత్రమే నియమాలతో ఉపవాసం ఉండాలి.

ఈరోజు నుండి యతీశ్వరులు చాతుర్మాస్య వ్రత దీక్ష మొదలుపెడతారు. గృహస్థులు కూడా ఆహార నియమాలు, బ్రహ్మచర్యం, భూసేయనం, విష్ణు అర్చన, అబద్ధాలు పలకకపోవడం వంటి నియమాలు పాటిస్తూ ఈ వ్రతం చేయవచ్చు.

తొలి ఏకాదశి నాడు విష్ణు ఆలయ దర్శనం, ధ్వజస్తంభం దగ్గర దీపారాధన, తులసి మాలతో విష్ణు మంత్రం జపించడం శుభప్రదమని భక్తులు నమ్ముతారు.