మున్సిపల్ ఎన్నికల్లో ఓటు వేయండి.. సినీ ప్రముఖుల పిలుపు

రాబోయే మున్సిపల్, లోకల్ బాడీ ఎన్నికల్లో తప్పకుండా ఓటు వేయాలని సినీ ప్రముఖులు ప్రజలకు పిలుపునిచ్చారు.

ఎమ్మెల్యే, ఎంపీ ఎన్నికలపైనే ఎక్కువగా దృష్టి పెట్టి, లోకల్ బాడీ ఎన్నికలను చాలామంది తక్కువగా చూస్తుంటారని వారు అన్నారు. ఇంటి పక్కన తలెత్తే సమస్యలపై వెంటనే స్పందించే ప్రతినిధులు కావాలంటే లోకల్ ఎన్నికలు చాలా ముఖ్యమని వారు పేర్కొన్నారు.

ఎమ్మెల్యే, ఎంపీ ఎన్నికల్లో లాగానే లోకల్ బాడీ ఎన్నికల్లోనూ ఓటు హక్కును వినియోగించుకోవాలని వారు కోరారు. హైదరాబాద్‌లో ఉన్నా, విదేశాల్లో ఉన్నా సొంత ఊళ్లకు వెళ్లి ఓటు వేయాలని సూచించారు.

ఒక భారతీయ పౌరుడిగా ఓటు చాలా ముఖ్యమని, ప్రతి ఒక్కరూ తమ ఓటు హక్కును వినియోగించుకోవాలని సినీ ప్రముఖులు చెప్పారు.