పర్సెంటేజ్ విధానం లేకుండా 'ది పారడైజ్', 'టాక్సిక్' సినిమాలు వేయమని ఎగ్జిబిటర్లు స్పష్టం

టాలీవుడ్ ఎగ్జిబిటర్లు పర్సెంటేజ్ విధానం అమలు చేస్తేనే 'ది పారడైజ్', 'టాక్సిక్' సినిమాలు థియేటర్లలో వేస్తామని స్పష్టం చేశారు. దాదాపు 180 నుంచి 250 ఎగ్జిబిటర్లు ఈ నిర్ణయానికి మద్దతు తెలుపుతున్నారని ప్రెస్ మీట్‌లో వెల్లడించారు.

పర్సెంటేజ్ విధానంపై నిర్మాతలు, ఎగ్జిబిటర్ల మధ్య చర్చలు జరుపుతున్న సబ్ కమిటీ నిర్ణయం తీసుకోవడం జాప్యమవుతోందని ఎగ్జిబిటర్లు ఆందోళన వ్యక్తం చేశారు. మొదట మూడు వారాల్లో తేల్చాలని చెప్పిన విషయం మరో మూడు వారాలు పొడిగించి జూన్ చివరి వరకు వెళ్లిపోయిందని అన్నారు.

మల్టీప్లెక్స్ థియేటర్లకు ఇప్పటికే పర్సెంటేజ్ విధానం వర్తిస్తోందని, సింగిల్ స్క్రీన్ థియేటర్లకు మాత్రం వర్తించడం లేదని ఎగ్జిబిటర్లు పేర్కొన్నారు. కర్ణాటక, కేరళ, తమిళనాడు, మహారాష్ట్ర సహా దేశవ్యాప్తంగా పర్సెంటేజ్ విధానం అమలవుతోందని, ఇది కొత్తది కాదని చెప్పారు.

కొన్ని మార్కెట్లలో సింగిల్ స్క్రీన్ థియేటర్ల gross collection మల్టీప్లెక్స్ కంటే ఎక్కువగా ఉంటోందని, అయినా పంపిణీ వాటా మాత్రం తక్కువగా ఉంటోందని ఎగ్జిబిటర్లు ఆరోపించారు. ఒకటి రెండు రోజుల్లో నిర్ణయం తీసుకుంటే అన్ని సినిమాలూ సజావుగా నడుస్తాయని వారు విజ్ఞప్తి చేశారు.