2026 మొదటి అర్ధ భాగంలో టాలీవుడ్ బాక్స్ ఆఫీస్: నాలుగు చిత్రాలకు మాత్రమే లాభాలు

2026 మొదటి ఆరు నెలల్లో టాలీవుడ్ నుంచి విడుదలైన చిత్రాల్లో నాలుగు మాత్రమే లాభాలను సాధించాయి. సంక్రాంతికి విడుదలైన ఐదు సినిమాల్లో మూడు హిట్ అయ్యాయి.

'మనశంకర్ వరప్రసాద్' రూ.122 కోట్లు పెట్టుబడిపై రూ.177 కోట్లు వసూలు చేసింది. 'నారీ నారి నడుమ మురారి' రూ.10 కోట్లకు రూ.19 కోట్లు, నవీన్ పొలిశెట్టి 'అనగనగా ఒక రాజు' రూ.27 కోట్లకు రూ.48 కోట్ల షేర్ సాధించాయి.

ప్రభాస్ 'ది రాజాసాబ్' ప్రపంచ వ్యాప్తంగా రూ.209 కోట్ల హక్కులపై రూ.122 కోట్లు మాత్రమే రాబట్టి రూ.87 కోట్ల నష్టాన్ని మిగిల్చింది. పవన్ కల్యాణ్ 'ఉస్తాద్ భగత్ సింగ్' రూ.130 కోట్ల వ్యాపారానికి రూ.60 కోట్లు కూడా రాలేదు. 'పెద్ది' రూ.220 కోట్ల హక్కులపై రూ.204 కోట్లు మాత్రమే వసూలు చేసి నిరాశ పరిచింది. రవితేజ 'భర్త మహాశయులకు విజ్ఞప్తి' రూ.20 కోట్లకు రూ.12 కోట్లు మాత్రమే తెచ్చింది.

ఫిబ్రవరి, మార్చి, ఏప్రిల్, మే నెలల్లో ఒక్క హిట్ కూడా నమోదు కాలేదు. సంక్రాంతి తర్వాత వచ్చిన చిత్రాలు వరుసగా నష్టాలను మూటగట్టుకున్నాయి.