నిర్మాతలు-ఎగ్జిబిటర్ల మధ్య శాతం వివాదం: 15 మంది కమిటీ ఏర్పాటు నిర్ణయం

హైదరాబాద్ ఫిలిం చాంబర్‌లో నిర్మాతలు మరియు ఎగ్జిబిటర్ల మధ్య వివాదం పరిష్కారం కోసం 15 మంది సభ్యులతో కమిటీ వేయాలని నిర్ణయం జరిగింది.

ఫిలిం చాంబర్ అధ్యక్షుడు డి. సురేష్ బాబు ఆధ్వర్యంలో సుమారు గంటపాటు చర్చలు జరిగాయి. నిర్మాత అల్లు అరవింద్, దిల్ రాజు సహా పెద్ద నిర్మాతలు మరియు పెద్ద ఎగ్జిబిటర్లు సహా దాదాపు 30 మంది ఈ మీటింగ్‌లో పాల్గొన్నారు.

చర్చల మధ్య నిర్మాత నాగవంశీ మరియు ఎగ్జిబిటర్ సునీల్ నారంగ్ మధ్య వ్యక్తిగత వాగ్వివాదం చోటు చేసుకుంది. సునీల్ నారంగ్ మీటింగ్ నుండి అరుస్తూ బయటికి వెళ్ళగా, దిల్ రాజు, చదలవాడ శ్రీనివాస్, అనుపమ రెడ్డి అతన్ని మళ్ళీ లోపలికి తీసుకెళ్ళారు.

ఒక గంట చర్చల తర్వాత కూడా ఒప్పందం కుదరకపోవడంతో ఇరు వర్గాలు వేర్వేరుగా మీటింగ్ నిర్వహించుకున్నాయి. తర్వాత distributor లు ఐదుగురు, ఎగ్జిబిటర్లు ఐదుగురు, నిర్మాతలు ఐదుగురు — మొత్తం 15 మంది సభ్యులతో కమిటీ వేయాలని నిర్ణయం జరిగింది. ఈ కమిటీ నెల రెండు రోజుల్లో సమస్యను పరిష్కరిస్తుందని శ్రీ కళ్యాణ్ పేర్కొన్నారు.

వివాదం యొక్క కేంద్రాంశం ఏమిటంటే — ఎగ్జిబిటర్లు box office collections లో శాతం (revenue sharing) విధానాన్ని అమలు చేయాలని కోరుతున్నారు. దేశంలోని ఇతర రాష్ట్రాల్లో single screen theatres లో ఈ శాతం విధానం అమలవుతోందని, తెలుగు రాష్ట్రాల్లో మాత్రమే లేదని ఎగ్జిబిటర్లు వాదిస్తున్నారు.

నిర్మాతలు మాత్రం 50 నుండి 70% shooting పూర్తయిన high budget చిత్రాలకు ఇప్పుడే శాతం విధానం వర్తింపజేయడం సాధ్యం కాదని చెప్తున్నారు. కొత్తగా నిర్మించే చిత్రాలకు మాత్రమే శాతం ఇస్తామని నిర్మాతల వైపు నుండి వినిపిస్తోంది.

జూన్ 4న విడుదల కానున్న పెద్ద చిత్రానికి ఈ వివాదం వల్ల సమస్య కలగకుండా, పాత పద్ధతిలోనే విడుదల జరిగే విధంగా నిర్ణయం జరిగినట్లు తెలుస్తోంది. కమిటీ తీర్పు నెల రెండు నెలల్లో వెలువడనుంది.