సింగిల్ స్క్రీన్ థియేటర్ల వివాదంపై పవన్ కళ్యాణ్‌ను కలిసిన టాలీవుడ్ నిర్మాతలు

సింగిల్ స్క్రీన్ థియేటర్లు మరియు నిర్మాతల మధ్య పర్సెంటేజ్ వివాదం నేపథ్యంలో టాలీవుడ్ నిర్మాతలు రాజమహేంద్రవరంలో AP డెప్యూటీ CM పవన్ కళ్యాణ్‌ను కలిశారు. నిర్మాతలు రవిచందర్, నాగవంశి, సతీష్‌తో పాటు పలు ఇండస్ట్రీ పెద్దలు ఈ భేటీలో పాల్గొన్నారు.

సింగిల్ స్క్రీన్ థియేటర్లు నష్టాల్లో నడుస్తున్నాయని, వాటి యజమానుల సమస్యలు పరిష్కరించాలని నిర్మాతలు విజ్ఞప్తి చేశారు. థియేటర్ల వ్యవస్థ కొనసాగుతూనే నిర్మాతలకు నష్టం రాకుండా శాశ్వత పరిష్కారం కోసం ప్రభుత్వ పాలసీ రూపొందించాలని కోరారు.

నిర్మాతలు చేసిన ప్రతిపాదనలను పరిశీలించాలని పవన్ కళ్యాణ్ సినిమాటోగ్రఫీ మంత్రి కందుల దుర్గేష్‌కు సూచించారు. త్వరలో విడుదలయ్యే సినిమాలను ఈ వివాదం నుండి మినహాయించాలని నిర్మాతలు కోరగా, ఆ విషయంలో సానుకూలంగా ఉందని పవన్ కళ్యాణ్ తెలిపారని నిర్మాతలు చెప్పారు.

నిర్దిష్ట time frame లో అన్ని పక్షాలు కలిసి మాట్లాడి వివాదాన్ని పరిష్కరించుకుంటామని భేటీ అనంతరం నిర్మాతలు తెలిపారు. సినిమాటోగ్రఫీ మంత్రి ఈ ప్రతిపాదనలను ఎలా పరిశీలిస్తారనేది ఇప్పుడు కీలకంగా మారింది.