‘కరుపు’ సక్సెస్ తర్వాత త్రిషా రెమ్యూనరేషన్ ₹15 కోట్లకు పెరిగింది

నటి త్రిషా తన రెమ్యూనరేషన్‌ను ₹15 కోట్లకు పెంచినట్లు ఫిల్మ్ వర్గాల్లో చర్చ జరుగుతోంది. ఇటీవల సూర్య నటించిన ‘కరుపు’ చిత్రం బాక్సాఫీస్ వద్ద ₹300 కోట్లకు పైగా వసూళ్లు రాబట్టింది. ఈ చిత్రంలో త్రిషా నటించింది.

‘కరుపు’ విజయం తర్వాత ఓ సూపర్‌స్టార్‌తో చేయబోయే సినిమా కోసం త్రిషా ₹15 కోట్లు డిమాండ్ చేసిందని తెలిసింది. గతంలో ఈమె రెమ్యూనరేషన్ ₹5 కోట్ల వరకు ఉండేది. తెలుగులో ‘విశ్వంభర’ సినిమాకు ₹4 కోట్లు తీసుకుంది. నటి నయనతార ప్రస్తుతం ₹8-10 కోట్ల రెమ్యూనరేషన్ పొందుతోంది.

నటుడు విజయ్ తమిళనాడు ముఖ్యమంత్రి కావడం, ‘కరుపు’ సక్సెస్ వంటి అంశాలు త్రిషా క్రేజ్ పెంచాయని ఫిల్మ్ వర్గాలు భావిస్తున్నాయి. ప్రస్తుతం ఆమె మోహన్‌లాల్‌తో మలయాళ చిత్రం ‘రామ్’ షూటింగ్‌లో ఉన్నారు. మిగతా డేట్లు ఖాళీగా ఉన్న నేపథ్యంలో రెమ్యూనరేషన్ పెంచడంతో నిర్మాతలు ఆలోచనలో పడ్డారు. ఈ విషయంపై త్రిషా వర్గం స్పందన తెలియాల్సి ఉంది.