జోజిలా పాస్‌లో ట్రక్ లోయలో పడిపోయింది

జమ్మూ కాశ్మీర్‌లోని జోజిలా పాస్ వద్ద శ్రీనగర్-లేహ్ హైవేపై ఒక ట్రక్ లోయలో పడిపోయింది. మంచు కారణంగా రోడ్డు జారిపోవడంతో ట్రక్ అదుపు తప్పింది. వందల అడుగుల లోతులోని లోయలోకి ట్రక్ పల్టీలు కొడుతూ పడిపోయింది.

ట్రక్కును డ్రైవర్ అదుపు చేయలేకపోయారు. జోజిలా పాస్‌లో మంచు వల్ల ఇలాంటి ప్రమాదాలు తరచుగా జరుగుతున్నాయని తెలుస్తోంది.

ఈ ప్రమాదంలో హతాహతుల వివరాలు తెలియాల్సి ఉంది. జోజిలా పాస్ గుండా వెళ్లే వాహనదారులు అత్యంత జాగ్రత్తగా ప్రయాణించాలని అధికారులు సూచించారు.