ఇరాన్‌పై అమెరికా సైనిక దాడులు కొనసాగుతున్నాయి: ట్రంప్

అమెరికా అధ్యక్షుడు డొనాల్డ్ ట్రంప్ ఇరాన్‌పై సైనిక దాడులు చేపట్టామని, త్వరలోనే మరిన్ని భారీ దాడులు చేయనున్నట్లు ప్రకటించారు. ఇరాన్ అమెరికా డ్రోన్‌ను కూల్చేసినందుకు ప్రతీకారంగా ఈ చర్యలు తీసుకుంటున్నట్లు సోమవారం విలేకరులతో అన్నారు. 'నిన్న ఇరాన్‌పై కఠినంగా దాడి చేశాం. ఈ రోజు కూడా మళ్లీ దాడి చేస్తాము. వీటిని టీవీలో చూడకపోతే మిస్ అవుతారు' అని హెచ్చరించారు.

ఇరాన్ అణు కార్యక్రమంపై అమెరికా పూర్తిగా చర్చలు జరిపి ఒక ఒప్పందాన్ని సిద్ధం చేసినా, ఇరాన్ సంతకం చేయకుండా జాప్యం చేస్తోందని ట్రంప్ విమర్శించారు. 'ఇరాన్‌కు అణ్వాయుధం ఎప్పటికీ ఉండకూడదు. ఒప్పందంపై సంతకం చేస్తేనే ఇది సాధ్యం. గతంలో తెలివిలేని అమెరికా అధ్యక్షులతో ఇరాన్ ఆటలు ఆడింది, ఇప్పుడు మమ్మల్ని మోసం చేయడానికి ప్రయత్నిస్తోంది' అని ఆరోపించారు. ఇరాన్ కూల్చిన డ్రోన్‌ను 'నమ్మశక్యం కాని అత్యాధునిక యంత్రం'గా అభివర్ణించారు.

అమెరికా ఇరాన్ చమురు మౌలిక వసతులపై కూడా దాడులు చేస్తోందని ట్రంప్ మొదటిసారి వెల్లడించారు. 'ప్రతిరోజు లక్షల బ్యారెల్స్ చమురును నాశనం చేస్తున్నాం. అందువల్లే గ్లోబల్ మార్కెట్‌లో చమురు ధరలు బ్యారెల్‌కు $85–$90 వరకే ఉన్నాయి. లేకుంటే $250కి చేరేవి' అని వివరించారు. అణు ఒప్పందంపై ఇరాన్ త్వరగా సంతకం చేయాలని, లేని పక్షంలో మరింత కఠిన చర్యలు తీసుకుంటామని హెచ్చరించారు.