హార్మూజ్ జలసంధి తెరుస్తున్నామని ట్రంప్ ప్రకటన — ఇరాన్ తోసిపుచ్చింది

అమెరికా అధ్యక్షుడు డొనాల్డ్ ట్రంప్ తన social media platform ద్వారా ఒక ప్రకటన చేశారు. ఇరాన్‌తో శాంతి చర్చలు దాదాపు పూర్తయ్యాయని, త్వరలో పూర్తి వివరాలు వెల్లడిస్తామని పేర్కొన్నారు.

హార్మూజ్ జలసంధిని తిరిగి తెరవడం ఈ ఒప్పందంలో ప్రధాన అంశం అని అమెరికా చెప్తోంది. ఇరాన్ విదేశీ బ్యాంకుల్లో నిలిచిపోయిన దాదాపు 25 billion డాలర్ల ఆస్తులు విడుదల చేయడానికి బదులుగా హార్మూజ్‌పై ఆంక్షలు ఎత్తివేయాలని అమెరికా కోరుతోంది. ప్రపంచ చమురు సరఫరాలో దాదాపు 20% హార్మూజ్ జలసంధి ద్వారా జరుగుతుంది. ఇరాన్ అణ్వాయుధాలు తయారు చేయకుండా నిరోధించడం తమ ప్రధాన లక్ష్యమని ట్రంప్ స్పష్టం చేశారు.

అయితే ఇరాన్ ఈ ప్రకటనను వెంటనే తోసిపుచ్చింది. ఇరాన్ విదేశాంగ శాఖ ప్రతినిధి ఇస్మాయిల్ బఘాయి మాట్లాడుతూ, ట్రంప్ చెప్పింది వాస్తవానికి దూరంగా ఉందని అన్నారు. ఇది కేవలం చర్చల కోసం రూపొందించిన ప్రాథమిక ముసాయిదా మాత్రమేనని, తుది ఒప్పందం ఇంకా కాలేదని స్పష్టం చేశారు.

హార్మూజ్ జలసంధి భద్రత అనేది ఇరాన్, ఒమన్ మరియు ఆ ప్రాంత దేశాలకు సంబంధించిన విషయమని ఇరాన్ పేర్కొంది. ఇందులో అమెరికా జోక్యం చేసుకోవడానికి హక్కు లేదని తేల్చి చెప్పింది. పాకిస్తాన్ మధ్యవర్తిత్వంతో ఈ చర్చలు కొనసాగుతున్నాయి.