US పౌరసత్వ ఫీజు 75% పెంపు: ట్రంప్ ప్రభుత్వ ప్రతిపాదన

అమెరికా పౌరసత్వం కోసం దరఖాస్తు ఫీజును 75% పెంచాలని ట్రంప్ ప్రభుత్వం ప్రతిపాదించింది. ప్రస్తుతం 760 డాలర్లుగా ఉన్న ఫీజు, కొత్త ప్రతిపాదన ప్రకారం 1,330 డాలర్లకు చేరనుంది. పౌరసత్వ దరఖాస్తు తిరస్కరణపై అపీల్ ఫీజు కూడా 830 డాలర్ల నుంచి 1,475 డాలర్లకు పెంచే ప్రతిపాదన ఉంది. ఈ ప్రతిపాదన ప్రస్తుతం ప్రజాభిప్రాయ సేకరణ దశలో ఉంది. అన్ని ప్రక్రియలు పూర్తయిన తర్వాత, కనీసం 60 రోజుల గడువు తర్వాతే కొత్త ఫీజులు అమలు కానున్నాయి. ఈ నిర్ణయంపై భారతీయులు, తక్కువ ఆదాయం కలిగిన వలసదారులు ఆందోళన వ్యక్తం చేస్తున్నారు. ఫీజుల భారీ పెంపు వల్ల పౌరసత్వం అందుబాటులో లేకుండా పోతుందని వారు చెప్తున్నారు.