ట్రంప్ వ్యాఖ్యలు, US ఇరాన్ చమురు విక్రయాల మినహాయింపు రద్దుతో క్రూడ్ ధరలు 6% పెరిగాయి

అంతర్జాతీయ మార్కెట్లో క్రూడ్ ఆయిల్ ధరలు ఒక్క రోజులో 6% పైగా పెరిగాయి. అమెరికా అధ్యక్షుడు ట్రంప్ చేసిన వ్యాఖ్యలు, ఇరాన్ చమురు విక్రయాలకు ఇచ్చిన జనరల్ లైసెన్సును అమెరికా రద్దు చేయడం ఈ పెరుగుదలకు కారణం.

బ్రెంట్ క్రూడ్ బ్యారెల్ ధర 79 డాలర్లకు, US వెస్ట్ టెక్సాస్ ఇంటర్మీడియట్ (WTI) క్రూడ్ ధర 75 డాలర్లకు చేరుకుంది. ప్రపంచ చమురు సరఫరాలో అధిక భాగం స్ట్రెయిట్ ఆఫ్ హార్మోన్స్ ద్వారా జరగుతుంది. ఇరాన్ కొన్ని రూట్లలోనే ట్యాంకర్లు వెళ్లాలని పట్టుబట్టడంతో, ఆ మార్గం అంగీకరించిన పెద్ద ఆయిల్ ట్యాంకర్లు ప్రయాణాలు రద్దు చేసుకున్నాయి. ఇది సరఫరా ఆందోళనలను మరింత పెంచింది.

గతంలో US-ఇరాన్ తాత్కాలిక శాంతి ఒప్పందం కుదిరినప్పుడు క్రూడ్ ధర 100 డాలర్ల నుంచి 70 డాలర్లకు దిగివచ్చింది. కానీ తాజా పరిణామాలతో చమురు సరఫరా తగ్గుతుందన్న భయాలు మళ్లీ మొదలయ్యాయి. మార్కెట్ ఎక్స్పర్ట్స్ అంచనా ప్రకారం, ఈ భౌగోళిక రాజకీయ ఉద్రిక్తతలు ఇలాగే కొనసాగితే చమురు ధరలు 100 డాలర్ల మార్కు దాటే ప్రమాదం ఉంది.

భారతదేశం వంటి దిగుమతులపై ఆధారపడే దేశాల ఆర్థిక వ్యవస్థలపై ఇది తీవ్ర ప్రభావం చూపుతుందని ఎక్స్పర్ట్స్ హెచ్చరిస్తున్నారు.