యూఎస్-ఇరాన్ మధ్యంతర ఒప్పంద వివరాలు వెల్లడించిన ట్రంప్; జూన్‌ 19న హార్ముజ్‌ జలసంధి పూర్తిగా తెరుచుకోనుంది

జూన్ 19న స్విట్జర్లాండ్‌లో ఇరాన్‌తో కుదుర్చుకోబోయే మధ్యంతర ఒప్పందానికి సంబంధించిన వివరాలను అమెరికా అధ్యక్షుడు డొనాల్డ్ ట్రంప్ వెల్లడించారు.

ఒప్పందంపై సంతకాలు చేసే బృందానికి ఉపాధ్యక్షుడు జేడి వాన్స్ నేతృత్వం వహిస్తారని, సంతకాలు పూర్తయిన తర్వాతే వివరాలు అధికారికంగా తెలియజేస్తామని ట్రంప్ చెప్పారు.

అయితే, ఆదివారమే డొనాల్డ్ ట్రంప్, జేడి వాన్స్, ఇరాన్ ప్రధాన సంధానకర్త మహమ్మద్ గాలిబాఫ్‌లు డిజిటల్ పద్ధతిలో సంతకాలు చేశారని న్యూయార్క్ టైమ్స్ పత్రిక పేర్కొనగా, దీనిని వాన్స్ కూడా ధృవీకరించారు.

ఇదే సమయంలో, ఈ నెల 19న హార్ముజ్ జలసంధి పూర్తిగా తెరుచుకుంటుందని అమెరికాకు చెందిన ఒక సీనియర్ అధికారి తెలిపారు. చమురు, గ్యాస్ సరఫరా పెంచేందుకు భారీ ట్యాంకర్ల రాకపోకలకు తొలి ప్రాధాన్యం ఇస్తామన్నారు. సముద్రంలో ఇరాన్ సైనికులు అమర్చిన సీ మైన్ల తొలగింపుకు సమయం పట్టినా నౌకల రాకపోకలు కొనసాగుతాయని వివరించారు.