నర్సీపట్నంలో 'తృప్తి క్యాంటీన్' ప్రారంభం — మహిళలకు ఉపాధి లక్ష్యం

అనకాపల్లి జిల్లా నర్సీపట్నంలో 'తృప్తి క్యాంటీన్' ప్రారంభమైంది. శాసనసభ స్పీకర్ అయ్యన్నపాత్రుడు, ఆయన భార్య పద్మావతి కలిసి ఈ క్యాంటీన్‌ను ప్రారంభించారు.

రాష్ట్రవ్యాప్తంగా మొత్తం 750 తృప్తి క్యాంటీన్‌లు మంజూరు చేస్తారని ప్రభుత్వం తెలిపింది. ఈ పథకం ద్వారా 3,000 మంది మహిళలకు ఉపాధి కల్పించాలని లక్ష్యంగా పెట్టుకున్నారు.

మహిళలు స్వయంగా వ్యాపారం నడుపుతూ మరింత మందికి ఉపాధి ఇవ్వాలని స్పీకర్ అయ్యన్నపాత్రుడు కోరారు. ప్రతి తృప్తి క్యాంటీన్ ద్వారా కనీసం 10 మందికి ఉపాధి లభించాలని ఆకాంక్షించారు.