గుంటూరు: అరండల్ పేటలో తులసి రామచంద్ర ప్రభు జన్మదిన వేడుకలు

గుంటూరు నగరంలోని అరండల్ పేట ప్రాంతంలోగల యోగి భవన్‌లో తులసి రామచంద్ర ప్రభు జన్మదిన వేడుకలను ఘనంగా నిర్వహించారు. తులసి సంస్థలో పని చేసే ఉద్యోగులు, అభిమానులు, బంధువులు ఈ కార్యక్రమంలో పాల్గొని శుభాకాంక్షలు తెలిపారు.

ఈ సందర్భంగా తులసి రామచంద్ర ప్రభు మాట్లాడుతూ తన పుట్టిన రోజు జూన్ 21న, తన కుమారుడు కృష్ణ చైతన్య పుట్టిన రోజు కూడా అదే రోజు కావడం సంతోషంగా ఉందన్నారు. యోగా వల్ల తాను ఆరోగ్యంగా ఉన్నానని, ప్రతి ఒక్కరూ యోగా చేసి ఆరోగ్యంగా ఉండాలని ఆయన సూచించారు. ఈ కార్యక్రమంలో కేంద్ర మంత్రి పెసాని చంద్రశేఖర్, ఉగ్గిరాల సీతారామయ్య తదితరులు పాల్గొన్నారు.

ప్రధాని మోదీ చొరవతో ఐక్యరాజ్యసమితి అంతర్జాతీయ యోగా దినోత్సవాన్ని గుర్తించిన విషయాన్ని ఆయన ప్రస్తావించారు. యోగా మతానికి, కులానికి సంబంధం లేని మానవ ఆరోగ్యానికి సంబంధించిందని, ప్రపంచవ్యాప్తంగా గుర్తింపు పొందిందని వివరించారు. తన పుట్టిన రోజు అంతర్జాతీయ యోగా దినోత్సవంతో కలిసి రావడంతో, ఏపీ ముఖ్యమంత్రి చంద్రబాబు నాయుడు పుట్టిన రోజు రాష్ట్రంలో, తనది ప్రపంచవ్యాప్తంగా జరుగుతుందని సరదాగా చెప్పారు.