మోడల్ త్విషా శర్మ మృతి కేసు: భర్త బెయిల్ తిరస్కరణ, దర్యాప్తు జరుగుతోంది

నోయిడాకు చెందిన మోడల్, నటి త్విషా శర్మ (వయసు 33) మే 12, 2026 రాత్రి భోపాల్‌లోని కటారా హిల్స్ నివాసంలో అనుమానాస్పద స్థితిలో మృతిచెందారు. ఆమె అత్తగారి ఇంట్లో ఫ్యాన్‌కు వేలాడుతూ కనుగొనబడ్డారు.

మరణానికి ముందు రాత్రి 10:05కు త్విషా తన తల్లికి ఫోన్ చేసి వేధింపుల గురించి చెప్పారు. భర్త రూమ్‌లోకి రావడంతో ఫోన్ కట్ అయింది. 10:20కు అత్తగారి ఇంటి నుంచి ఫోన్ వచ్చి, ఆమె శ్వాస తీసుకోవడం లేదని తెలిపారు. కేవలం 15 నిమిషాల్లో సంఘటన జరిగిపోయింది.

త్విషా కుటుంబం ఇది వరకట్న వేధింపుల హత్య అని ఆరోపిస్తోంది. అత్తవారు మాత్రం ఆత్మహత్య అని చెప్తున్నారు. పోస్ట్‌మార్టం రిపోర్ట్‌లో ఆమె మెడపై పాత గాయాలు ఉన్నట్లు తేలింది. మరణానికి వారం ముందు బలవంతంగా గర్భస్రావం చేయించారని కుటుంబం ఆరోపిస్తోంది. ఆమె పేరిట ఉన్న ₹20 లక్షల FD ని భర్త పేరుపై మార్చమని వేధించినట్లు సమాచారం.

మరణానికి కొన్ని రోజుల ముందు త్విషా తన స్నేహితురాలికి Instagram లో మెసేజ్ పంపారు. "నేను ఒక పెద్ద trap లో చిక్కుకున్నాను, నువ్వు జాగ్రత్తగా ఉండు" అని రాశారు.

CCTV footage లో రెండు వీడియోలు వెలుగులోకి వచ్చాయి. మొదటి వీడియోలో త్విషా ఒంటరిగా terrace వైపు వెళ్తున్నట్లు కనిపిస్తుంది. దాదాపు గంట తర్వాత తీసిన రెండో వీడియోలో భర్త సమర్థ్, మరో వ్యక్తి, పనిమనిషి కలిసి ఆమె మృతదేహాన్ని మెట్లపై నుంచి కిందకు తీసుకురావడం కనిపిస్తుంది.

2024లో ఒక dating app ద్వారా త్విషాకు భోపాల్‌కు చెందిన లాయర్ సమర్థ్ సింగ్‌తో పరిచయం ఏర్పడింది. డిసెంబర్ 2025లో వారు పెళ్లి చేసుకున్నారు. పెళ్లైన ఐదు నెలలకే ఆమె మరణించారు. సమర్థ్ తల్లి రిటైర్డ్ magistrate.

పోలీసులు భర్త సమర్థ్ సింగ్, అత్త గిరిబాలా సింగ్‌లపై వరకట్న వేధింపులు మరియు ఆత్మహత్యకు ప్రేరేపించిన కేసు నమోదు చేశారు. అత్తకు bail లభించగా, భర్త bail పిటిషన్‌ను భోపాల్ కోర్టు తిరస్కరించింది. దర్యాప్తు కొనసాగుతోంది.