నాగోల్‌లో ఇద్దరు సోదరులు అదృశ్యం, బండ్లగూడ చెరువు వద్ద డ్రోన్లతో గాలింపు

రంగారెడ్డి జిల్లాలోని LB నగర్ పరిధి, నాగోల్‌లో ఇద్దరు బాలురు అదృశ్యమయ్యారు. వరుణ్ తేజ్, మహేష్ అనే ఇద్దరు సోదరుల కోసం గాలింపు జరుగుతోంది.

సాయి నగర్ కాలనీ రోడ్ నంబర్ 3లో ఈ కుటుంబం నివసిస్తోంది. ఇద్దరు బాలురు నాగోల్‌లోని ప్రభుత్వ పాఠశాలలో చదువుతున్నారు.

DRF బృందాల పరిశీలనలో వారిద్దరూ నాగోల్ బండ్లగూడ చెరువు వైపు వెళ్లినట్టు తెలిసింది. దీంతో చెరువు ప్రాంతంలో గాలింపు చర్యలు మొదలుపెట్టారు. ఈ గాలింపులో DRF బృందాలు, పోలీసులు పాల్గొంటున్నారు.

పోలీసులు డ్రోన్ల సాయంతో బాలుర ఆచూకీ కోసం వెతుకుతున్నారు. బండ్లగూడ చెరువు పరిసరాల్లో గాలింపు కొనసాగుతోంది.