ఒడిశాలో మురసు తుఫాను తీరం తాకింది, పూరి తీరంలో వర్షాలు

ఒడిశాలో మురసు తుఫాను తీరం తాకింది. తుఫాను ప్రభావంతో పూరి తీర ప్రాంతాల్లో వర్షాలు కురుస్తున్నాయి.

గంజాం జిల్లాలో ఈదురుగాలులు విస్తృతంగా వీచుతున్నాయి. గజపతి, కంధమాల్ ప్రాంతాల్లో కొండచరియలు విరిగిపడే ప్రమాదం ఉందని అధికారులు హెచ్చరించారు. కోరాపుట్, మల్కానగిరి, రాయగడ, నబరంగ్‌పూర్, ఖుర్దా జిల్లాల్లో గంటకు 40 నుంచి 50 కిలోమీటర్ల వేగంతో గాలులు వీచుతున్నాయి.

తీర ప్రాంతాల్లోని మత్స్యకారులు సముద్రంలోకి వెళ్లకూడదని అధికారులు హెచ్చరిక జారీ చేశారు. తుఫాను ప్రభావంపై ఒడిశా ప్రభుత్వం కలెక్టర్లను అప్రమత్తం చేసింది.

వరద ప్రమాదం ఉన్న ప్రాంతాల నుంచి ప్రజలను ఖాళీ చేయించాలని ప్రభుత్వం ఆదేశాలు ఇచ్చింది. తాగునీరు, ORS నిల్వలను అవసరానికి సిద్ధంగా ఉంచాలని సూచించింది.

దక్షిణ ఒడిశాలో మరో రెండు రోజులు భారీ వర్షాలు కురిసే అవకాశం ఉందని వాతావరణ శాఖ అధికారులు తెలిపారు.