అమెరికా మిడ్‌టర్మ్ ఎన్నికలు: కొన్ని గంటల్లో పోలింగ్ ప్రారంభం

అమెరికా మిడ్‌టర్మ్ ఎన్నికల పోలింగ్ కొన్ని గంటల్లో ప్రారంభం కానుంది. ప్రస్తుతం హౌస్ ఆఫ్ రిప్రజెంటేటివ్స్, సెనేట్ రెండింటిలోనూ రిపబ్లికన్ పార్టీకి స్వల్ప మెజారిటీ ఉంది. ఈ మెజారిటీని కాపాడుకోవడం రిపబ్లికన్లకు పెద్ద సవాలుగా మారింది. డెమోక్రాట్లు రెండు సభలపై పట్టు సాధించేందుకు వ్యూహాలు రచిస్తున్నారు.

హౌస్ ఆఫ్ రిప్రజెంటేటివ్స్‌లో మొత్తం 435 స్థానాలు ఉన్నాయి. ఈ సభ్యుల పదవీకాలం రెండేళ్లు. సెనేట్‌లో 100 స్థానాలు ఉండగా, ఈసారి 35 సీట్లకు ఎన్నికలు జరుగుతున్నాయి. వీటితో పాటు రాష్ట్రాల గవర్నర్లు, అటార్నీ జనరల్స్ ఎన్నిక కూడా జరుగుతుంది. అధ్యక్షుడి పదవీకాలం నాలుగేళ్లు ఉండటంతో, రెండేళ్లకు మిడ్‌టర్మ్ ఎన్నికలు నిర్వహిస్తారు. ఈ ఎన్నికలను అధ్యక్షుడి పనితీరుకు లిట్మస్ టెస్ట్‌గా భావిస్తారు.

సెనేట్‌లో ప్రస్తుతం రిపబ్లికన్ల బలం 53. డెమోక్రాట్లు, ఇద్దరు స్వతంత్రులతో కలిపి 47 స్థానాల్లో ఉన్నారు. తాజా అంచనాల ప్రకారం 48 స్థానాల్లో డెమోక్రాట్లు, 45 స్థానాల్లో రిపబ్లికన్లు ముందంజలో ఉన్నారు. Fox News సర్వే ప్రకారం సెనేట్ రేసు హోరాహోరీగా సాగుతోంది. సెనేట్ మెజారిటీని ఏడు రాష్ట్రాలు నిర్ణయించనున్నాయి. అలాస్కా, అయోవా, కాన్సాస్, టెక్సాస్‌లో పోటీ తీవ్రంగా ఉంది.

హౌస్‌లో డెమోక్రాట్లు కనీసం 223 సీట్లు గెలుచుకుంటారని Fox News అంచనా వేసింది. అనుకూల పరిస్థితుల్లో 252 సీట్ల వరకు రావచ్చని పేర్కొంది. రిపబ్లికన్లకు 195 స్థానాలు దక్కుతాయని, గరిష్ఠంగా 212 సీట్లు మాత్రమే వస్తాయని సర్వేలు చెప్తున్నాయి. అలా జరిగితే వారు మెజారిటీకి ఆరు స్థానాల దూరంలో నిలిచిపోతారు.

36 రాష్ట్రాల గవర్నర్ స్థానాలకు పోలింగ్ జరగనుంది. ప్రస్తుతం రిపబ్లికన్ల వద్ద 26, డెమోక్రాట్ల వద్ద 24 గవర్నర్ పదవులు ఉన్నాయి. అలాస్కా, నెవాడా, జార్జియాలో పోటీ గట్టిగా ఉంది. 11 రాష్ట్రాల్లో ఓటర్ ఐడీ, పౌరసత్వ నిబంధనలపై ఓటర్లు తీర్పు ఇవ్వనున్నారు. అబార్షన్, ట్రాన్స్‌జెండర్ హక్కులపై కూడా పలు రాష్ట్రాల్లో ఓటింగ్ జరగనుంది.

భారత కాలమానం ప్రకారం నవంబర్ 4 ఉదయం 11:30 గంటలకు అలాస్కాలో పోలింగ్ ముగుస్తుంది. దీంతో మిడ్‌టర్మ్ ఎన్నికల ఓటింగ్ ప్రక్రియ అధికారికంగా ముగుస్తుంది. ఇరాన్‌తో యుద్ధం, ద్రవ్యోల్బణం, నిరుద్యోగం కారణంగా ట్రంప్‌పై వ్యతిరేకత ఉందని సర్వేలు చెప్తున్నాయి. ఆయన అప్రూవల్ రేటింగ్‌లు క్రమంగా తగ్గుతున్నాయి. ఈ ఫలితాలు ట్రంప్ పాలనపై ప్రజల తీర్పును చూపుతాయి.