ఏలూరు జిల్లా జీలుగుమిల్లిలో ఆర్టీసీ బస్సును లారీ ఢీకొట్టడంతో 20 మందికి గాయాలు

ఏలూరు జిల్లా జీలుగుమిల్లి మండలంలోని దేవరపల్లి జాతీయ రహదారిపై ఆర్టీసీ బస్సును లారీ ఢీకొట్టింది. ఈ ప్రమాదంలో 20 మంది ప్రయాణికులు స్వల్పంగా గాయపడ్డారు.

ప్రమాదం జీలుగుమిల్లిలోని హై స్కూల్ సమీపంలో జరిగింది. బస్సు నెమ్మదిగా వెళ్తున్నప్పటికీ లారీ వేగంగా వచ్చి వెనుక నుంచి ఢీకొట్టినట్లు తెలుస్తోంది.

బస్సు డ్రైవర్ కూడా స్వల్పంగా గాయపడ్డారు. ప్రమాదం జరిగిన వెంటనే ప్రయాణికులు భయాందోళనకు గురయ్యారు.

గాయపడిన ప్రయాణికులను జీలుగుమిల్లి ప్రభుత్వ ఆస్పత్రికి తరలించారు.