చైనాలో డాల్ఫిన్ తుఫాను: గంటకు 150 కి.మీ గాలులు, రికార్డు వర్షం

డాల్ఫిన్ తుఫాను చైనా తీరాన్ని తాకి తీవ్ర వరదలకు కారణమైంది. తీరానికి చేరే సమయానికి ఇది సుమారు 6,000 కిలోమీటర్లు ప్రయాణించింది. గంటకు 150 కిలోమీటర్లకు పైగా వేగంతో గాలులు వీచాయి.

జెజియాంగ్, జియాంగ్సు, షాంఘై నగరాలు వరద నీటిలో చిక్కుకున్నాయి. ఈ వర్షపాతం 150 ఏళ్ల రికార్డును మించింది. అండర్‌గ్రౌండ్ పార్కింగ్‌లు, మెట్రో స్టేషన్లు, షాపింగ్ మాల్స్‌లోకి నీరు చేరింది.

వందలాది కార్లు, భారీ వాహనాలు వరద ధాటికి కొట్టుకుపోయాయి. బలమైన గాలులకు భవనాల పైకప్పులు, కిటికీలు దెబ్బతిన్నాయి. సోలార్ ప్యానెళ్లు, ఇనుప స్తంభాలు రోడ్లపై పడ్డాయి. పెద్ద చెట్లు వేళ్లతో సహా నేలకూలాయి.

పారిశ్రామిక ప్రాంతాలు, వర్క్‌షాప్‌లు నీటిలో మునిగాయి. వేల కోట్ల రూపాయల విలువైన యంత్రాలు నీటిపాలయ్యాయి. గ్రామీణ ప్రాంతాల్లో గ్రీన్‌హౌస్ పంటలు, పొలాలు దెబ్బతిన్నాయి.

పది లక్షల మందికి పైగా ప్రజలను సురక్షిత ప్రాంతాలకు తరలించారు. విమానాశ్రయాలు మూసివేశారు. వందలాది విమాన సర్వీసులు రద్దయ్యాయి. రైలు నెట్‌వర్క్ నిలిచిపోయింది.