రాబోయే 4 నెలలు ఎల్‌నినో తీవ్ర ప్రభావం – ఐక్యరాజ్య సమితి హెచ్చరిక

ప్రపంచ వాతావరణ సంస్థలు ఎల్‌నినో తీవ్రతపై హెచ్చరిక జారీ చేశాయి. రాబోయే నాలుగు నెలలు దీని ప్రభావం మరింత బలంగా ఉంటుందని తెలిపాయి.

పసిఫిక్ మహాసముద్రంలో జలాలు సాధారణం కంటే 2 డిగ్రీలు ఎక్కువగా వేడెక్కుతున్నాయి. దీంతో ఎల్‌నినో ప్రభావం వేగంగా బలపడే అవకాశం ఉంది. ఈ పరిణామం కారణంగా పలు దేశాల్లో తీవ్రమైన వేడి, కొన్ని చోట్ల అతి భారీ వర్షాలు, మరికొన్ని చోట్ల తీవ్ర కరువు ఏర్పడవచ్చని శాస్త్రవేత్తలు హెచ్చరించారు. భారతదేశంపై కూడా ఇది ప్రభావం చూపుతుందని పేర్కొన్నారు.

ఐక్యరాజ్య సమితి ఎల్‌నినో తీవ్రతపై పలు దేశాలకు హెచ్చరికలు జారీ చేసింది. ప్రభుత్వాలు, స్వచ్ఛంద సంస్థలు ప్రజల్లో అవగాహన కల్పించాలని, వ్యవసాయం, ఆరోగ్య రంగాల్లో అత్యవసర పరిస్థితులకు సిద్ధంగా ఉండాలని, వాతావరణ ముందస్తు హెచ్చరిక వ్యవస్థలను బలోపేతం చేయాలని సూచించింది.