అమరావతి భూసమీకరణకు వ్యతిరేకంగా ఉండవెల్లి రైతులు గుంటూరు కలెక్టర్‌కు వినతి

గుంటూరు జిల్లా ఉండవెల్లి గ్రామ రైతులు అమరావతి land pooling విధానాన్ని వ్యతిరేకిస్తూ గుంటూరు జిల్లా కలెక్టర్‌కు వినతి పత్రం సమర్పించారు. తమ గ్రామాన్ని CRDA పరిధి నుంచి పూర్తిగా మినహాయించాలని రైతులు డిమాండ్ చేశారు. వినతి పత్రం ఇవ్వడానికి ముందు రైతులు భారీ నిరసన ర్యాలీ కూడా నిర్వహించారు.

ప్రభుత్వం ఇప్పటికే మొదటి దశలో సుమారు 55,000 ఎకరాల భూమిని అమరావతి నిర్మాణం పేరిట సమీకరించింది. ఇప్పుడు రెండో దశలో మరో 50,000 ఎకరాలు సేకరించాలని ప్రణాళికలు రూపొందించినట్టు సమాచారం. ఈ నేపథ్యంలో అనేక గ్రామాల్లో భూసమీకరణ ప్రక్రియ కొనసాగుతోంది.

కొంతమంది రైతులు ఒత్తిళ్లకు తలొగ్గి భూములు ఇచ్చేందుకు ముందుకు వస్తుండగా, ఉండవెల్లి రైతులు మాత్రం తీవ్రంగా వ్యతిరేకిస్తున్నారు. అవసరమైతే చట్టపరమైన పోరాటం చేస్తామని రైతులు స్పష్టం చేశారు. తమ నియోజకవర్గ ఎమ్మెల్యే నారా లోకేష్ స్పందించట్లేదని రైతులు ఆవేదన వ్యక్తం చేశారు.

మొదటి దశలో భూములు ఇచ్చిన రైతులు CRDA కార్యాలయాల చుట్టూ తిరుగుతున్నారని, returnable plots కేటాయింపులో వివక్ష జరుగుతోందని రైతులు ఆరోపిస్తున్నారు. ఈ విషయంపై ప్రభుత్వం స్పందన తెలియాల్సి ఉంది.