ఇరాన్ యుద్ధంలో అమెరికాకు భారీ నష్టం — 42 విమానాలు దెబ్బతిన్నాయని CRS నివేదిక

అమెరికా నిర్వహించిన Operation Epic Fury లో 42 US విమానాలు ధ్వంసం లేదా తీవ్రంగా దెబ్బతిన్నాయని Congressional Research Service (CRS) నివేదిక వెల్లడించింది. ఇరాన్‌పై ఫిబ్రవరి 28న ఈ ఆపరేషన్ ప్రారంభమైంది.

దెబ్బతిన్న విమానాల జాబితాలో ఒక F-35A Lightning II ఫైటర్ జెట్, నాలుగు F-15 Strike Eagle జెట్లు, ఒక A-10 Thunderbolt II గ్రౌండ్ అటాక్ విమానం ఉన్నాయి. అంతేకాదు, ఏడు KC-135 Stratotanker విమానాలు, ఒక E-3 Sentinel AWACS విమానం, రెండు AC-130J Commando II విమానాలు, 24 MQ-9 Reaper డ్రోన్లు, ఒక MQ-4C Triton డ్రోన్, ఒక HH-60W Jolly Green II హెలికాప్టర్ కూడా నష్టపోయాయి.

పెంటగాన్ మరియు US Central Command ఇచ్చిన సమాచారం ఆధారంగా CRS ఈ జాబితా రూపొందించింది. అయితే classification మరియు ఇతర పరిణామాల కారణంగా ఈ సంఖ్య మారవచ్చని నివేదిక పేర్కొంది.

మే 12న జరిగిన House Appropriations Subcommittee విచారణలో Pentagon Acting Comptroller Jules W. Hartz మాట్లాడారు. ఈ ఆపరేషన్ వల్ల రక్షణ శాఖ అంచనా వ్యయం $29 బిలియన్ డాలర్లు (సుమారు ₹2.48 లక్షల కోట్లు) పెరిగిందని ఆయన తెలిపారు. దెబ్బతిన్న పరికరాల మరమత్తులు, కొత్తవాటి భర్తీ వల్లే ఈ బడ్జెట్ పెరిగిందని వివరించారు.