ఇరాన్‌పై 13 రోజుల దాడుల తర్వాత అమెరికా విరామం; పేట్రియాట్ క్షిపణి నిల్వలు తగ్గడమే కారణం: న్యూయార్క్ టైమ్స్

13 రోజుల పాటు ఇరాన్‌పై అమెరికా విస్తృత దాడులు చేసిన తర్వాత ఇప్పుడు అమెరికా బలగాలు విరామం తీసుకున్నాయి. అయితే ఈ నిర్ణయం వెనుక పేట్రియాట్ వంటి గగనతల రక్షణ క్షిపణి నిల్వలు ప్రమాదకరంగా తగ్గిపోవడం ఒక కారణంగా తెలుస్తోంది.

ది న్యూయార్క్ టైమ్స్ నివేదిక ప్రకారం, యుఎస్ ఆర్మీ చీఫ్ డాన్ కేన్‌తో పాటు ఇతర ఉన్నతాధికారులు ట్రంప్‌ను అంతర్గతంగా హెచ్చరించారు. విస్తృత యుద్ధం జరిగితే గల్ఫ్ దేశాల్లోని మిత్ర దేశాల రక్షణకు క్షిపణి నిల్వలు సరిపోవని, ఆర్థిక, చమురు సంక్షోభాలు, శరణార్థుల సంఖ్య పెరిగే ప్రమాదం ఉందని ఆందోళన వ్యక్తం చేశారు.

ఈ పరిస్థితుల నేపథ్యంలో, గతంలో కుదిరిన తాత్కాలిక శాంతి ఒప్పందం ప్రకారం చర్చలు ప్రారంభించేందుకు, మధ్యవర్తిగా పాకిస్తాన్ వంటి దేశాలను అమెరికా కోరినట్లు అంతర్జాతీయ మీడియా తెలిపింది. అమెరికా ప్రభుత్వం నుంచి ఈ విషయంపై అధికారిక ప్రకటన రాలేదు.