US-ఇరాన్ శాంతి ఒప్పందంతో హార్మోజ్ జలసంధి ఆంక్షలు ఎత్తివేత, చమురు రవాణాకు ఊరట

US, ఇరాన్ మధ్య శాంతి ఒప్పందం (Memorandum of Understanding) కుదిరింది. పాకిస్తాన్ మధ్యవర్తిత్వంలో కుదిరిన ఈ ఒప్పందంపై 19వ తేదీన యూరప్‌లో సంతకాలు చేయనున్నారు. తక్షణమే హార్మోజ్ జలసంధిలో US సైనిక ఆంక్షలు ఎత్తివేస్తున్నట్లు అమెరికా ప్రకటించింది.

ఈ ఒప్పందం ప్రకారం ఇరు దేశాలు 60 రోజుల పాటు చర్చలు కొనసాగించి తుది నిర్ణయం తీసుకుంటాయి. హార్మోజ్ జలసంధి నుంచి అమెరికా నౌకాదళం వెనక్కి తగ్గడంతో చమురు రవాణాకు మార్గం క్లియర్ అవుతుంది.

అంతర్జాతీయ వ్యవహారాల నిపుణులు ప్రొఫెసర్ జయచంద్ర రెడ్డి మాట్లాడుతూ.. ఈ ఒప్పందంతో ప్రపంచ చమురు మార్కెట్‌కు తక్షణ ఉపశమనం లభించిందన్నారు. గత కొన్ని వారాలుగా హార్మోజ్ జలసంధిలో ఉద్రిక్తతల కారణంగా భారత్ సహా పలు దేశాల్లో పెట్రోల్ ధరల్లో ₹10-20 వరకు పెరుగుదల కనిపించిందని చెప్పారు. పూర్తి వ్యాపార సాధారణ స్థితికి మరికొన్ని నెలలు పట్టవచ్చని ఆయన వివరించారు.

అంతర్జాతీయ రాజకీయాల్లో వచ్చిన ఒత్తిళ్లే ట్రంప్ నిర్ణయానికి కారణమని ప్రొఫెసర్ జయచంద్ర రెడ్డి అభిప్రాయపడ్డారు. అమెరికా కాంగ్రెస్ యుద్ధ అధికారాలకు అడ్డుకట్ట వేసిన నేపథ్యంలో, మధ్యంతర ఎన్నికలు ఎదుర్కొనేందుకు ట్రంప్ ఈ చర్యలు తీసుకున్నారని ఆయన తెలిపారు. ఇజ్రాయిల్ లెబనాన్‌పై దాడులు కొనసాగిస్తున్న సమయంలో ట్రంప్ ఇజ్రాయిల్ ప్రధాని నెతన్యాహుతో ఫోన్‌లో తీవ్రంగా మాట్లాడారని కూడా ఆయన చెప్పారు.

పశ్చిమాసియాలోని ఇతర సంఘర్షణలు, ముఖ్యంగా ఇజ్రాయిల్-పాలస్తీనా వివాదం పరిష్కారం కాకపోతే ఈ ప్రాంతంలో శాశ్వత శాంతి సాధ్యం కాదని నిపుణులు హెచ్చరిస్తున్నారు.