US-Iran ఉద్రిక్తతలతో భారత స్టాక్ మార్కెట్లు నష్టాలు; సెన్సెక్స్ 150 పాయింట్లు తగ్గింది

US-Iran మధ్య ఉద్రిక్తతల నేపథ్యంలో శుక్రవారం భారత స్టాక్ మార్కెట్లు నష్టాల్లో ముగిశాయి.

BSE సెన్సెక్స్ 150 పాయింట్లు తగ్గి క్లోజ్ కాగా, NSE నిఫ్టీ 53 పాయింట్లు కోల్పోయింది. డాలర్‌తో పోలిస్తే రూపాయి విలువ 60 పైసలు క్షీణించి 85.85 వద్ద ముగిసింది. ముడి చమురు ధర 90 డాలర్ల సమీపంలో ట్రేడ్ అవుతోంది.

నిఫ్టీ 23,104 వద్ద గ్యాప్-డౌన్ ఓపెన్ అయినా, మధ్యాహ్నం 23,327 స్థాయికి చేరుకుంది. కానీ లాభాలను నిలబెట్టుకోలేకపోయింది. మార్కెట్ అనలిస్ట్‌ల ప్రకారం, ట్రంప్-ఇరాన్ దౌత్య సంకేతాలు మారుతూ ఉండటంతో ఇన్వెస్టర్లు స్వల్ప లాభాలకే ఎగ్జిట్ అవుతున్నారు.

సెక్టార్‌ల విషయానికి వస్తే, హెల్త్‌కేర్, డిఫెన్స్ స్టాక్స్‌పై లాభాల బుకింగ్ రావచ్చని అనలిస్ట్‌లు సూచిస్తున్నారు. గత కొద్ది రోజులుగా భారీగా పతనమైన IT, బ్యాంకింగ్, రియాలిటీ రంగాల్లో కొనుగోలు అవకాశాలు ఏర్పడతాయని అంచనా. ఇటీవలి ఇయర్ హై నుండి 27% వరకు క్షీణించిన IT సెక్టార్‌పై ఈ ఏడాది పున:సమీక్ష రావచ్చని భావిస్తున్నారు.