హార్మోజ్ జలసంధిలో వాణిజ్య నౌకపై ఇరాన్ డ్రోన్ దాడి, అమెరికా ప్రతీకార దాడులు

హార్మోజ్ జలసంధిలో ఓ వాణిజ్య నౌకపై ఇరాన్ డ్రోన్లతో దాడి చేసింది. ఈ దాడికి ప్రతీకారంగా అమెరికా యుద్ధ విమానాలు ఇరాన్ సైనిక స్థావరాలపై దాడులు చేపట్టాయి.

హార్మోజ్ సమీపంలోని ఇరాన్ కు చెందిన క్షిపణి, డ్రోన్ నిల్వ కేంద్రాలు, తీరప్రాంత రాడార్ సైట్లపై దాడి చేసినట్లు అమెరికా సెంట్రల్ కమాండ్ వెల్లడించింది. కాల్పుల విరమణ ఒప్పందాన్ని ఇరాన్ స్పష్టంగా ఉల్లంఘించినట్లు కనిపిస్తోందని అమెరికా పేర్కొంది.

కొద్ది రోజుల క్రితమే ఇరు దేశాలు తాత్కాలిక శాంతి ఒప్పందంపై సంతకాలు చేశాయి. 60 రోజుల్లో సమగ్ర ఒప్పందం కుదుర్చుకోవాలనే అంశంపై చర్చలు జరుగుతున్నాయి. అమెరికా అధ్యక్షుడు డొనాల్డ్ ట్రంప్, హార్మోజ్‌లో వాణిజ్య నౌకలపై దాడి చేయడాన్ని విమర్శిస్తూ, ఇది ‘తెలివి తక్కువ పని’ అని వ్యాఖ్యానించారు.

ప్రపంచ వాణిజ్యంలో దాదాపు 22% హార్మోజ్ జలసంధి గుండా సాగుతుంది. ఈ ప్రాంతంపై నియంత్రణ విషయంలో ఇరాన్, అమెరికా మధ్య నెలకొన్న ఉద్రిక్తతలు తాజా దాడులతో మరింత పెరిగాయి. ఈ ఉద్రిక్తతలు ప్రపంచ చమురు, వాయు వాణిజ్యంపై ప్రతికూల ప్రభావం చూపే అవకాశం ఉంది. భారత్‌లో ఇంధన ధరలపై కూడా ప్రభావం పడొచ్చు.

ఇరు దేశాలు 60 రోజుల చర్చల కాలంలో ఉండడంతో, ఈ దాడులు ఆ చర్చలపై ఎలాంటి ప్రభావం చూపుతాయనేది చూడాల్సి ఉంది.