వరి, మొక్కజొన్న కొనుగోలుపై BJP విమర్శలకు మంత్రి ఉత్తమ్ కౌంటర్

తెలంగాణ ప్రభుత్వం వరి, మొక్కజొన్న కొనుగోలులో విఫలమైందని BJP రాష్ట్ర అధ్యక్షుడు రామచంద్రరావు విమర్శించారు. కనీస మద్దతు ధరకు పంట కొనుగోలు చేయట్లేదని ఆయన ఆరోపించారు.

ఈ విమర్శలకు మంత్రి ఉత్తమ్ కుమార్ రెడ్డి కౌంటర్ ఇచ్చారు. దేశంలో మరే రాష్ట్రంలో చేయనంత వరిధాన్యాన్ని తెలంగాణ ప్రభుత్వం కొనుగోలు చేస్తోందని అన్నారు. 2025-26లో తెలంగాణలో పంట కొనుగోలుకు పెడుతున్న నిధులు భారతదేశ చరిత్రలో ఏ రాష్ట్రంలోనూ జరగలేదని పేర్కొన్నారు.

రైతులు పండించిన పంటను మార్కెట్‌కు తీసుకొచ్చి అమ్ముడుపోక, Rice millers ఒత్తిడితో తక్కువ ధరకు అమ్మాల్సిన పరిస్థితి ఉందని ఉత్తమ్ అంగీకరించారు. అకాల వర్షాల వల్ల పంట నష్టం జరిగిందని, రైతుల సమస్యలపై తాను వారితో నేరుగా మాట్లాడానని తెలిపారు. కనీస మద్దతు ధరకు ప్రభుత్వమే కొనుగోలు చేయాలనే లక్ష్యంతో ముందుకు వెళ్తున్నామని అన్నారు.

వరిధాన్యం, మొక్కజొన్న విషయంలో ప్రతిపక్షాలు తప్పుడు ప్రచారం చేస్తున్నాయని మంత్రి ఆరోపించారు. ఈ విషయంపై BJP స్పందన తెలియాల్సి ఉంది.