ఉత్తరప్రదేశ్‌లో ఫేక్ పెళ్లి వీడియోలో మైనర్: CWC హెచ్చరిక

ఉత్తరప్రదేశ్‌లో ఓ వ్యక్తి ముగ్గురు అక్కాచెల్లెళ్లతో వివాహం చేసుకున్నట్లు వీడియోలు పోస్ట్ చేశారు. వీరిలో ఒకరు మైనర్ కావడంతో ఈ వీడియోలు వివాదాస్పదమయ్యాయి.

వీడియోలో పాల్గొన్న వ్యక్తులు రీల్స్ ద్వారా నెగటివ్ కామెంట్లకు ధీటుగా స్పందిస్తూ, తాము అన్యోన్యంగా ఉన్నామనే విధంగా మరిన్ని వీడియోలు చేశారు. ఫాలోవర్లు, లైక్‌లు పెంచుకునేందుకు వీరు ఈ వీడియోలు చేసినట్లు తెలుస్తోంది.

ఈ ఘటన రాష్ట్ర శిశు సంక్షేమ కమిటీ (CWC) దృష్టికి రావడంతో విచారణ చేపట్టారు. ఇదంతా సోషల్ మీడియాలో ప్రాచుర్యం కోసం చేసిన ప్రాంక్ వీడియో అని తేలింది.

CWC చైర్మన్ ఇలాంటి ప్రవర్తన మరోసారి చేస్తే కఠిన చర్యలు తీసుకుంటామని హెచ్చరించారు. చైర్మన్ హెచ్చరిక అనంతరం వీడియో తీసిన వ్యక్తులు క్షమాపణ చెప్పారు. పెళ్లి నాటకమని ఒప్పుకున్నారు.