15 ఏళ్ల వైభవ్ సూర్యవంశికి టీమిండియా డ్రెస్సింగ్ రూమ్‌లో ప్రత్యేక నియమాలు

15 ఏళ్ల వైభవ్ సూర్యవంశి ఇటీవల ఇంగ్లాండ్ పర్యటనకు ఎంపికయ్యారు. ఈ యువ ఆటగాడికి టీం ఇండియా డ్రెస్సింగ్ రూమ్‌లో ప్రత్యేక నియమాలు అమలుకానున్నాయి.

ICC, ECB సేఫ్ గార్డింగ్ నియమాల ప్రకారం 16 ఏళ్ల లోపు ఆటగాళ్లు పెద్దలతో కలిసి ఒకే డ్రెస్సింగ్ రూమ్‌లో దుస్తులు మార్చుకోరాదు. అందువల్ల వైభవ్‌కు ప్రత్యేక చేంజింగ్ రూమ్ ఏర్పాటు చేస్తారు. అయితే, టీం మీటింగ్స్, వ్యూహ చర్చలు, ఇన్నింగ్స్ బ్రేక్ సమయంలో కోచ్ సూచనలు తీసుకోవడంలో ఆయన పూర్తిగా పాల్గొనవచ్చు.

ఈ పర్యటనలో వైభవ్ తల్లిదండ్రులు కూడా ఆయనతో పాటు ఉంటారు. చిన్న వయసులో అంతర్జాతీయ ఒత్తిడిని ఎదుర్కోవడానికి కుటుంబ మద్దతు అవసరమని BCCI భావిస్తోంది.

మాజీ క్రికెటర్ కపిల్‌దేవ్ వైభవ్ ప్రతిభను ప్రశంసించారు. కానీ, ప్రస్తుతం సచిన్ టెండూల్కర్‌తో పోల్చడం సరికాదని, 20-22 ఏళ్ల వయసు వచ్చిన తర్వాత అతని స్థాయి అర్థమవుతుందని అన్నారు.

ఐర్లాండ్‌తో జరిగే T20 సిరీస్‌లో వైభవ్ అరంగేట్రం చేస్తే, సచిన్ టెండూల్కర్ పేరిట ఉన్న భారత అతి పిన్న వయసు అరంగేట్ర రికార్డును బద్దలు కొట్టే అవకాశం ఉంది. ఈ అవకాశం క్రికెట్ అభిమానుల ఆసక్తిని రేపింది.