వామన ద్వాదశి: పెరుగు దానం, శ్లోక పఠనంతో విష్ణు అనుగ్రహం

ఆషాఢ మాసంలో శుక్ల పక్షంలో వచ్చే ద్వాదశిని వామన ద్వాదశిగా పిలుస్తారు. ఈ రోజు వామనుడి రూపంలో ఉన్న శ్రీ మహావిష్ణువును పూజిస్తారు. ధర్మసింధు, నిర్ణయసింధు వంటి ప్రామాణిక గ్రంథాలు ఈ పూజ వల్ల సమస్త శుభ ఫలితాలు లభిస్తాయని తెలియజేస్తున్నాయి.

బలి చక్రవర్తి మూడడుగుల నేల దానం అడిగిన వామనుడు, ఒక అడుగు ఆకాశంలో, ఒక అడుగు భూమిపై ఉంచి, మూడవ అడుగు బలి శిరస్సుపై ఉంచి పాతాళానికి పంపించాడు. ఈ కథను వామన ద్వాదశి నాడు స్మరిస్తారు.

ఈ రోజు పెరుగు దానం ఇస్తే వామనుడి అనుగ్రహం సంపూర్ణంగా లభిస్తుందని శాస్త్రాలు చెబుతున్నాయి. అలాగే గొడుగు, పాదరక్షలు దానం చేయడం వల్ల జాతక దోషాలు తొలగిపోతాయని, సొంత ఇల్లు, ఇంటి నిర్మాణంలో ఉన్న ఆటంకాలు తొలగుతాయని పండితులు సూచిస్తున్నారు.

ఇంట్లో దీపారాధన చేసిన తర్వాత ‘దేవేశ్వరాయ దేవాయ దేవ సంభూతి కారిణే ప్రభవే సర్వదేవానాం వామనాయ నమో నమః’ అనే శ్లోకం పఠించాలి. ‘ఓం త్రివిక్రమాయ నమః’ మంత్రాన్ని వీలైనన్ని సార్లు జపించడం వల్ల కూడా విశేష ఫలితాలు లభిస్తాయి.