టెక్కాలి మాజీ ఎమ్మెల్యే వరదా సరోజమ్మ కుటుంబం సీఎం చంద్రబాబును కలిసి న్యాయం కోరింది

శ్రీకాకుళం జిల్లా టెక్కాలి మాజీ ఎమ్మెల్యే వరదా సరోజమ్మ భర్త, ఇద్దరు కుమార్తెలు సీఎం చంద్రబాబు నాయుడిని పార్టీ కార్యాలయంలో కలిశారు. తమ కుటుంబానికి చెందిన హోటల్‌ను ఏకైక కొడుకు కబ్జా చేసి, తమను ఇంటి నుంచి వెళ్లగొట్టాడని వారు ఫిర్యాదు చేశారు.

సరోజమ్మ మరణం తర్వాత, ఆమె భర్త పేరిట నడుస్తున్న 'Hotel Nagavali Concern of Kameswari Hotels Private Limited' సంస్థను కొడుకు అక్రమంగా ఆక్రమించి, సొంత వ్యక్తులతో నడుపుతున్నాడని కుటుంబం ఆరోపించింది. గత మూడేళ్లుగా తండ్రి, చెల్లెళ్లను బయట ఉండాల్సిన పరిస్థితి ఏర్పడిందని, సీనియర్ సిటిజన్ హోదాలో ఫిర్యాదు చేసినా పోలీసులు, జిల్లా యంత్రాంగం స్పందించలేదని వారు చెప్పారు.

కుటుంబం విన్నపాన్ని విన్న సీఎం, వారికి న్యాయం చేస్తానని హామీ ఇచ్చారు. ఈ వ్యవహారంపై కొడుకు స్పందన తెలియాల్సి ఉంది.