వరలక్ష్మి అష్టలక్ష్ముల జాబితాలో ఎందుకు లేదు? పురాణాల వివరణ

హిందూ సంప్రదాయంలో లక్ష్మీదేవిని అష్టలక్ష్ముల రూపాల్లో పూజిస్తారు. అయితే వరలక్ష్మి పేరు అష్టలక్ష్ముల జాబితాలో కనిపించదు. దీనిపై పురాణాల్లో వివరణ ఉంది.

విష్ణు పురాణంలో ధాన్యలక్ష్మి, విజయలక్ష్మి, వీర్యలక్ష్మి, శౌర్యలక్ష్మి, సంతానలక్ష్మి వంటి రూపాలు పేర్కొన్నారు. అష్టలక్ష్ములుగా చెప్పే ఈ రూపాలన్నీ విష్ణు పురాణంలో వివరించారు. భవిష్యోత్తర పురాణంలో శుద్ధ లక్ష్మి, మోక్ష లక్ష్మి, జయ లక్ష్మి, సరస్వతి, శ్రీ లక్ష్మి, వరలక్ష్మి పేర్లు ప్రస్తావించారు.

పురాణ కథనం ప్రకారం లక్ష్మీదేవి మొదట ఇంద్రుని వద్ద ఉండేది. దుర్వాస మహర్షి శాపం వల్ల ఇంద్రుడు లక్ష్మీదేవిని కోల్పోయాడు. అప్పుడు లక్ష్మీదేవి సముద్రంలో చేరింది. దేవదానవులు సముద్ర మథనం చేసినప్పుడు ఆమె తిరిగి ఆవిర్భవించింది. అనంతరం విష్ణువును భర్తగా స్వీకరించిందని దేవీ భాగవతం వివరిస్తోంది.

వరలక్ష్మిని అష్టలక్ష్ముల ప్రస్తావన లేకుండా మహాలక్ష్మి స్వరూపంగా పూజించాలని వివరణ ఉంది. అమ్మవారికి కమలాలు, చామంతి పూలు సమర్పించాలి. ఇలా మహాలక్ష్మిగా పూజిస్తే ప్రయోజనం ఉంటుందని తెలిపారు.