కొత్తగా పెళ్లైన వారు వరలక్ష్మీ వ్రతం ఎలా చేయాలి? నియమాలు ఇవే

కొత్తగా పెళ్లైన మహిళలు మొదటిసారి వరలక్ష్మీ వ్రతం చేసేటప్పుడు ప్రత్యేక కఠిన నియమాలు ఉండవు. గతంలో వ్రతం చేసి ఉండకపోయినా సాధారణ పద్ధతిలోనే ఆచరించవచ్చు.

వరలక్ష్మీ వ్రతంలో ఉపవాసం తప్పనిసరి అని కొందరు భావిస్తారు. కానీ ఉపవాసం చేయాలనుకునే వారు మాత్రమే చేస్తే సరిపోతుంది. చిన్న పిల్లలు, డయాబెటిస్ వంటి ఆరోగ్య సమస్యలు ఉన్నవారు ఉపవాసం చేయాల్సిన అవసరం లేదు. గర్భిణీ స్త్రీలకు కూడా ఉపవాస దీక్ష నుంచి మినహాయింపు ఉంది.

ఉపవాసం చేయలేని వారు ఉదయం పూజ పూర్తయ్యే వరకు పాలు లేదా పండ్లు తీసుకోవచ్చు. అమ్మవారికి ప్రసాదం నివేదించిన తర్వాత కూడా తీసుకోవచ్చు. రాత్రి వరకు ఉపవాసం ఉండగలిగితే ఉండొచ్చు.

కొత్తగా పెళ్లైన వారికి వ్రత విధానాన్ని నేర్పించడంలో అత్తగారు తల్లి స్థానంలో ఉంటారు. అత్తగారు కూర్చుని చక్కగా విధానం నేర్పించి ఆచరింపజేస్తారు. ఇది ఈ వ్రతంలో ముఖ్యమైన అంశం.