వెనిజులా భూకంపం: 106 గంటల తర్వాత శిథిలాల్లో చిక్కుకున్న 21 ఏళ్ల వర్గస్ సజీవంగా రక్షించబడ్డాడు

వెనిజులాలోని లా గ్వైరా రాష్ట్రంలోని కాబల్లేడా పట్టణంలో ఐదు రోజుల క్రితం సంభవించిన భూకంపంలో పలువురు మృతి చెందగా, భారీ ఆస్తి నష్టం జరిగింది. ఈ ఘటనలో 21 ఏళ్ల వర్గస్ అనే యువకుడు కూలిన భవన శిథిలాల కింద చిక్కుకుపోయారు.

సహాయక చర్యలు కొనసాగిస్తున్న సమయంలో, ఆరో అంతస్తు శిథిలాలను తొలగిస్తుండగా రక్షణ సిబ్బందికి వర్గస్ కనిపించారు. అతని పక్కనే ఒక మృతదేహం ఉంది. 106 గంటలు (నాలుగు రోజుల 10 గంటలు) నీరు, ఆహారం లేకుండా శిథిలాల కిందే ప్రాణాలతో గడిపిన వర్గస్‌ను సజీవంగా బయటకు తీశారు.

వెంటనే ఆయనను ఆస్పత్రికి తరలించగా, అతని ఆరోగ్య పరిస్థితి నిలకడగా ఉందని వైద్యులు తెలిపారు. అతను సురక్షితంగా బయటపడటంతో ప్రజలు ఆనందం వ్యక్తం చేశారు.

భూకంపంలో ప్రాణ, ఆస్తి నష్టం వివరాలు ఇంకా పూర్తిగా తెలియరాలేదు. సహాయక బృందాలు శిథిలాల తొలగింపు పనులు కొనసాగిస్తున్నాయి.