H1B ఉద్యోగుల 60 రోజుల గ్రేస్ పీరియడ్ తొలగింపు ప్రతిపాదనపై DHS కసరత్తు

అమెరికాలో H1B వీసా ఉన్న ఉద్యోగులు ఉద్యోగం కోల్పోతే కొత్త ఉద్యోగం వెతుక్కోవడానికి లేదా వీసా మార్చుకోవడానికి ఇప్పటి వరకు 60 రోజుల గ్రేస్ పీరియడ్ లభిస్తోంది. ఈ నియమాన్ని తొలగించే ప్రతిపాదనను DHS సిద్ధం చేస్తోంది.

ఇమ్మిగ్రేషన్ న్యాయవాదులు రాహుల్ రెడ్డి, ఎమిలీ లేమన్ తెలిపిన వివరాల ప్రకారం, ఈ ప్రతిపాదన ఆగష్టు 6న వైట్ హౌస్ బడ్జెట్ కార్యాలయం (OMB) సమీక్షకు పంపబడింది. అధికారికంగా ఇంకా ప్రచురించలేదు. ప్రస్తుతం ఉన్న 60 రోజుల గ్రేస్ పీరియడ్ యథాతథంగా కొనసాగుతోంది.

ఒకవేళ ఈ ప్రతిపాదన చట్టరూపం దాలిస్తే, ఉద్యోగం కోల్పోయిన H1B ఉద్యోగులు వెంటనే దేశం విడిచి వెళ్లాల్సి వస్తుంది. ప్రతిపాదన ఇంకా ప్రారంభ దశలోనే ఉందని, దీనిపై ప్రజాభిప్రాయ సేకరణ తర్వాతే తుది నిర్ణయం ఉంటుందని న్యాయవాదులు చెప్పారు.

ఇదే సమయంలో, సెప్టెంబర్ 15, 2026 నుండి అమెరికాలో ప్రవేశించే విద్యార్థి వీసా హోల్డర్లకు గ్రేస్ పీరియడ్ 60 రోజుల నుండి 30 రోజులకు తగ్గించబడిన సంగతి ఇప్పటికే అమల్లోకి వచ్చింది. ఈ మార్పు ఇమ్మిగ్రేషన్ విధానంలో కఠినతరం వైపు చూపిస్తోంది.