కేరళ CM గా VD సతీషన్ ప్రమాణ స్వీకారం — 10 ఏళ్ల తర్వాత UDF అధికారంలోకి

కేరళ కొత్త ముఖ్యమంత్రిగా VD సతీషన్ తిరువనంతపురంలోని సెంట్రల్ స్టేడియంలో ఉదయం 10 గంటలకు ప్రమాణ స్వీకారం చేస్తారు. గవర్నర్ సమక్షంలో 20 మంది మంత్రులు కూడా ఒకేసారి ప్రమాణం చేయనున్నారు.

ఈ ప్రమాణ స్వీకార కార్యక్రమానికి Congress నేత రాహుల్ గాంధీ, AICC చీఫ్ మల్లికార్జున ఖర్గే, MP ప్రియాంక గాంధీ హాజరు కానున్నారు. తెలంగాణ CM రేవంత్ రెడ్డి, కర్ణాటక CM సిద్దరామయ్య, హిమాచల్ ప్రదేశ్ CM సుఖ్వీందర్ సింగ్ కూడా హాజరు కానున్నారు. తమిళనాడు CM విజయ్‌కు ఆహ్వానం అందింది — అయితే ఆయన హాజరుపై ఇంకా స్పష్టత రాలేదు.

కొత్త cabinet లో Congress నుంచి CM సహా 12 మంది మంత్రి పదవులు సాధించారు. IUML నుంచి 5 మందికి మంత్రి పదవులు దక్కాయి. RSP, CMP తదితర UDF భాగస్వామ్య పార్టీలకు కూడా స్థానాలు లభించాయి. Cabinet లో Speaker గా తిరువంచు రాధాకృష్ణన్, Deputy Speaker గా షానిమోల్ ఉస్మాన్ ఉండనున్నారు.

సతీషన్ మాట్లాడుతూ, అర్హులైన కొందరు నాయకులకు cabinet లో చోటు కల్పించలేకపోయామని, పరిమితుల కారణంగా ఇది జరిగిందని చెప్పారు. దాదాపు 60 ఏళ్ల తర్వాత CM తో పాటు పూర్తి స్థాయి మంత్రివర్గం ఒకేసారి ప్రమాణం చేయనుందని ఆయన తెలిపారు.

ఇటీవల జరిగిన కేరళ అసెంబ్లీ ఎన్నికల్లో Congress నేతృత్వంలోని UDF 140 సీట్లలో 102 స్థానాలు గెలుచుకుంది. CPI(M) నేతృత్వంలోని Left Democratic Front కేవలం 35 సీట్లకు పరిమితమైంది. దీంతో 10 సంవత్సరాల తర్వాత UDF మళ్లీ కేరళలో అధికారంలోకి వస్తోంది.