VD సతీషన్ కేరళ CM గా ప్రమాణ స్వీకారం; రాహుల్ గాంధీ, రేవంత్ రెడ్డి హాజరు

VD సతీషన్ కేరళ ముఖ్యమంత్రిగా తిరువనంతపురంలో ప్రమాణ స్వీకారం చేశారు. AICC అధ్యక్షుడు మల్లికార్జున ఖర్గే, రాహుల్ గాంధీ, తెలంగాణ CM రేవంత్ రెడ్డి, డిప్యూటీ CM భట్టి విక్రమార్క ఈ కార్యక్రమానికి హాజరయ్యారు.

సతీషన్ 20 మంది మంత్రులతో cabinet కూర్పు పూర్తి చేశారు. వారిలో 14 మంది తొలిసారి మంత్రి పదవి చేపట్టబోతున్నారు. ఇద్దరు మహిళలు, ఇద్దరు SC వర్గానికి చెందిన వారికి మంత్రి పదవులు కేటాయించారు.

Congress పార్టీ నుండి రమేష్ చెన్నితల, కే. మురళీధరన్, AP అనిల్ కుమార్, సన్నీ జోసెఫ్ మంత్రులుగా ఉన్నారు. Indian Union Muslim League (IUML) నుండి PK కున్హాలీ కుట్టి, N. షంషుద్దీన్, KM షాజీ, PK బషీర్, VI అబ్దుల్ గఫూర్ మంత్రులుగా ప్రమాణం చేశారు.

T. రాధాకృష్ణన్ స్పీకర్‌గా, షనిమోల్ ఉస్మాన్ డిప్యూటీ స్పీకర్‌గా ఉండనున్నారు. మంత్రుల జాబితాను సతీషన్ గవర్నర్ అర్లేకర్‌కు అందజేశారు.

ఎన్నికల ఫలితాలు వచ్చిన రెండు వారాల తర్వాత సతీషన్ పేరు ఖరారైంది. KC వేణుగోపాల్, రమేష్ చెన్నితల కూడా CM పదవి కోసం పోటీ పడ్డారు. IUML పార్టీ మొదటి నుండి సతీషన్‌కు మద్దతు పలకడంతో Congress అధిష్టానం ఆయన పేరు ఖరారు చేసింది.