VD సతీషన్ కేరళ ముఖ్యమంత్రిగా ప్రమాణ స్వీకారం — 20 మంది మంత్రుల క్యాబినెట్ ఖరారు

కాంగ్రెస్ నేత VD సతీషన్ కేరళ ముఖ్యమంత్రిగా ప్రమాణ స్వీకారం చేశారు. తిరువనంతపురంలో ఈ కార్యక్రమం జరిగింది.

UDF లోని పార్టీలతో చర్చల తర్వాత 20 మంది మంత్రుల పేర్లను సతీషన్ ఖరారు చేశారు. వారిలో 14 మంది తొలిసారి మంత్రులు కాబోతున్నారు. ఇద్దరు మహిళలకు, ఇద్దరు SC వర్గానికి చెందిన వారికి మంత్రి పదవులు ఇచ్చారు.

కాంగ్రెస్ నేతలు రమేష్ చెన్నితల, కె. మురళీధరన్, AP అనిల్ కుమార్, సన్నీ జోసెఫ్ మంత్రుల జాబితాలో చోటు పొందారు. IUML నుంచి ఐదుగురిని మంత్రి పదవులకు ఎంపిక చేశారు. PK కున్హల్‌కుట్టి, N శంసుద్దీన్, KM షాజీ, PK బషీర్, VE అబ్దుల్ గఫూర్ ఆ ఐదుగురని IUML అధినేత తంగల్ తెలిపారు.

మంత్రుల జాబితాను సతీషన్ గవర్నర్ అర్లేకర్‌కు అందజేశారు. T రాధాకృష్ణన్ స్పీకర్‌గా, షానిమోల్ ఉస్మాన్ డిప్యూటీ స్పీకర్‌గా వ్యవహరించనున్నారు.

తెలంగాణ CM రేవంత్ రెడ్డి, డిప్యూటీ CM భట్టి విక్రమార్క ప్రమాణ స్వీకార కార్యక్రమానికి హాజరయ్యారు. వారు ముందురోజు రాత్రే తిరువనంతపురం చేరుకున్నారు.