శుక్రుడి కన్యారాశి ప్రవేశం: వృషభరాశికి జ్యోతిష్యుల అంచనా, పరిహారాలు

ఆగష్టు 1, 2026న శుక్రుడు సింహరాశి నుంచి కన్యారాశిలోకి ప్రవేశిస్తారు. సెప్టెంబర్ 5 వరకు కన్యారాశిలో ఉంటారు. ఈ శుక్ర సంక్రమణం వల్ల వృషభ రాశి వారికి అనుకూల ఫలితాలు కలుగుతాయని జ్యోతిష్యులు చెబుతున్నారు.

వృషభ రాశి నుంచి లెక్కిస్తే కన్యారాశి ఐదవ స్థానంలో వస్తుంది. ఐదవ స్థానంలో శుక్రుడు ఉండటం వల్ల సేవకులు అధికమవుతారు. చెప్పిన పనులన్నీ సక్రమంగా పూర్తి చేస్తారు. ప్రతిరోజు రుచికరమైన భోజనం లభిస్తుంది. ధనం, ధాన్యం సమృద్ధిగా ఉంటాయి. మీ కోరికలు నెరవేరతాయి.

శుక్రుడి అనుగ్రహం కోసం కొన్ని పరిహారాలు సూచిస్తున్నారు. ఆగష్టు 1 నుంచి సెప్టెంబర్ 5 మధ్య వచ్చే శుక్రవారాల్లో అలసందలు (బొబ్బర్లు) ఆవుకు తినిపించడం లేదా దానం ఇవ్వడం చేయాలి. పన్నీరు, కుంకుమ పువ్వు కలిపిన నీటితో స్నానం చేయాలి. శుక్రవారం ఉపవాసం ఉండి రాత్రి పాయసం తినాలి. లలితా సహస్రనామం చదవడం, లలితా దేవికి కుంకుమార్చన చేయడం మంచిదని జ్యోతిష్యులు తెలిపారు.

ఈ సమాచారం జ్యోతిష్య శాస్త్ర నమ్మకాలపై ఆధారపడింది.