విద్యాదాన్ స్కాలర్షిప్ 2026: 10వ తరగతి 90% మార్కుల వారికి ఏటా రూ.75,000 వరకు

సరోజిని దామోదర్ ఫౌండేషన్ విద్యాదాన్ స్కాలర్షిప్ 2026 ప్రకటించింది. 10వ తరగతిలో 90 శాతం మార్కులు సాధించిన విద్యార్థులకు ఇంటర్ లేదా డిప్లొమా చదువుకోవడానికి ఏటా రూ.10,000 నుండి రూ.75,000 వరకు స్కాలర్షిప్ అందిస్తారు.

ఈ స్కాలర్షిప్‌కు అర్హతలు: 2025-26 విద్యా సంవత్సరంలో SSC (10వ తరగతి) 90% మార్కులు లేదా 9 CGPA సాధించాలి. ప్రస్తుతం ఇంటర్ లేదా డిప్లొమా చదువుతున్న విద్యార్థులు అయి ఉండాలి. కుటుంబ వార్షిక ఆదాయం రూ.2 లక్షల లోపు ఉండాలి. దివ్యాంగ విద్యార్థులకు కనీసం 75% మార్కులు లేదా 7.5 CGPA సరిపోతుంది.

ఆన్‌లైన్‌లో దరఖాస్తు చేసుకోవాలి. దరఖాస్తుకు చివరి తేదీ 2026 జూన్ 20. దరఖాస్తు చేసిన విద్యార్థులకు 2026 జూలై 5న పరీక్ష నిర్వహిస్తారు. ఏపీ విద్యార్థులకు జూలై 15 నుండి ఆగస్టు 15 వరకు, తెలంగాణ విద్యార్థులకు జూలై 25 నుండి ఆగస్టు 25 వరకు ఇంటర్వ్యూలు ఉంటాయి.

దరఖాస్తు చేసేటప్పుడు 10వ తరగతి మార్కుల షీట్ లేదా CBSE/ICSE వెబ్‌సైట్ నుండి పొందిన ప్రొవిజనల్ సర్టిఫికెట్, తాజా ఆదాయ ధ్రువీకరణ పత్రం, పాస్‌పోర్ట్ సైజు ఫోటో అప్‌లోడ్ చేయాలి. మరిన్ని వివరాలకు ఫౌండేషన్ వెబ్‌సైట్‌ను సందర్శించండి.