కాళేశ్వరంలో సరస్వతి అంత్య పుష్కరాలు: హంపీ పీఠాధిపతి పుణ్యస్నానం

జయశంకర్ భూపాలపల్లి జిల్లా కాళేశ్వరంలో సరస్వతి అంత్య పుష్కరాలు ఆరవ రోజు కొనసాగాయి. హంపీ పీఠాధిపతి శ్రీ విద్యారణ్య భారతి స్వామి సరస్వతీ నదిలో పుణ్యస్నానం ఆచరించారు.

ఆ తర్వాత స్వామి కాళేశ్వర ముక్తేశ్వర స్వామి ఆలయాన్ని దర్శించారు. అర్చకులు వేద మంత్రోచ్చరణల మధ్య పూర్ణకుంభంతో స్వాగతం పలికారు. ముక్తేశ్వర స్వామికి ప్రత్యేక అభిషేకాలు, పూజలు నిర్వహించారు.

తెల్లవారు జామున నుంచే త్రివేణి సంగమంలో భక్తులు పుణ్యస్నానాలు చేశారు. తెలుగు రాష్ట్రాలతో పాటు మహారాష్ట్ర, ఛత్తీస్‌గఢ్ నుంచి పెద్ద సంఖ్యలో భక్తులు వచ్చారు. దంపతి స్నానాలు, పితృ తర్పణాలు, పిండ ప్రధానం, నదిలో దీపాల వదలడం జరిగింది.