లాల్ దర్వాజ బోనాల ఉత్సవాల్లో విజయ్ దేవరకొండ, సందీప్ రెడ్డి వంగ

హైదరాబాద్‌లోని లాల్ దర్వాజ సింహవాహిని మహంకాళి అమ్మవారి ఆలయంలో బోనాల ఉత్సవాలు ఘనంగా జరిగాయి. ఈ సందర్భంగా నటుడు విజయ్ దేవరకొండ, ఆయన సోదరుడు ఆనంద్ దేవరకొండ, దర్శకుడు సందీప్ రెడ్డి వంగ ఆలయాన్ని సందర్శించారు.

వీరు అమ్మవారికి ప్రత్యేక పూజలు నిర్వహించారు. అనంతరం ఆలయ నిర్వాహకులు విజయ్ దేవరకొండ, ఆనంద్ దేవరకొండ, సందీప్ రెడ్డి వంగలను సన్మానించారు. ఉదయం నుంచే పెద్ద సంఖ్యలో భక్తులు ఆలయానికి తరలివచ్చారు. సినీ నటులను చూసేందుకు భక్తులు ఆసక్తి కనబరిచారు, ఫొటోలు దిగేందుకు ప్రయత్నించారు.