విజయవాడలో 47 డిగ్రీలకు చేరిన ఉష్ణోగ్రత — కోస్తా ఆంధ్రలో వడగాలుల హెచ్చరిక

విజయవాడలో ఉష్ణోగ్రతలు 44–45 డిగ్రీల సెల్సియస్‌కు చేరుకున్నాయి. రానున్న రోజుల్లో 47 డిగ్రీల వరకు పెరిగే అవకాశం ఉందని వాతావరణ శాఖ హెచ్చరించింది. ఈ ఎండల తీవ్రత మరో మూడు నుంచి నాలుగు రోజులు కొనసాగే అవకాశం ఉందని అధికారులు తెలిపారు.

మధ్యాహ్నం 12 గంటల నుంచి సాయంత్రం 4 గంటల వరకు అత్యవసరమైతే తప్ప బయటకు రావద్దని అధికారులు సూచించారు. పిల్లలు, వృద్ధులు, గర్భిణి స్త్రీలు ఈ సమయంలో బయటకు రాకూడదని వైద్య అధికారులు స్పష్టం చేశారు. తీవ్ర వడగాలు వీచే ప్రాంతాల్లో ప్రజలకు mobile messages ద్వారా real-time హెచ్చరికలు వెళ్తున్నాయని విపత్తు నిర్వహణ శాఖ తెలిపింది.

గుంటూరు, ప్రకాశం, నెల్లూరు, తూర్పు గోదావరి, పశ్చిమ గోదావరి జిల్లాల్లో కూడా ఇదే స్థాయిలో ఎండలు ఉంటాయని వాతావరణ శాఖ హెచ్చరించింది.

ఉపాధి హామి కూలీలు ఉదయం 7 నుంచి 11 గంటల వరకు మాత్రమే పని చేయాలని ప్రభుత్వం కలెక్టర్లకు ఆదేశాలు జారీ చేసింది. భవన నిర్మాణ కార్మికులు మధ్యాహ్నం వేళల్లో indoor పనులు మాత్రమే చేయాలని సూచించారు.

మన్సూన్ ఇప్పటికే కేరళను చేరుకుందని, మరో 10 రోజుల్లో వర్షాలు మొదలయ్యే అవకాశం ఉందని వాతావరణ శాఖ అధికారులు తెలిపారు.