విజయవాడలో భారీ వర్షాల హెచ్చరిక: కొండ, లోతట్టు ప్రాంతాల ప్రజలకు ముందస్తు సూచనలు

విజయవాడలో భారీ వర్షాల హెచ్చరిక నేపథ్యంలో నగర అధికారులు అప్రమత్తమయ్యారు. కొండ ప్రాంతాల్లో నివసిస్తున్న ప్రజలకు ముందస్తు హెచ్చరికలు జారీ చేశారు.

రేపటి నుంచి మూడు రోజుల పాటు ఈదురుగాలులతో కూడిన అతి భారీ వర్షాలు కురిసే అవకాశం ఉందని అధికారులు చెప్తున్నారు. దీంతో కొండ చర్యలు విరిగిపడే ప్రమాదం ఉందని ఆందోళన వ్యక్తం చేస్తున్నారు. ప్రమాదకర ప్రాంతాల్లో మైక్ అనౌన్స్‌మెంట్ల ద్వారా ప్రజలకు సూచనలు అందిస్తున్నారు.

కొండ ప్రాంతాల్లోని శిథిలావస్థలో ఉన్న భవనాల్లో, ప్రమాదకర ప్రాంతాల్లో నివసిస్తున్న వారు వెంటనే తమ ఇళ్లను ఖాళీ చేయాలని అధికారులు సూచించారు. సురక్షిత ప్రాంతాలకు లేదా బంధువుల ఇళ్లకు తరలిపోవాలని చెప్పారు. లోతట్టు ప్రాంతాల ప్రజలు వరద నీరు చేరే అవకాశం ఉన్నందున అవసరమైన జాగ్రత్తలు తీసుకోవాలని తెలిపారు.

అవసరమైతే పునరావాస కేంద్రాలకు తరలివెళ్లాలని అధికారులు హెచ్చరించారు. వర్షాల పరిస్థితిని నిరంతరం పర్యవేక్షిస్తున్నామని, అవసరమైన చర్యలకు సిద్ధంగా ఉన్నామని పేర్కొన్నారు. ప్రజలు అధికారుల సూచనలను పాటించి, అత్యవసర పరిస్థితుల్లో సహకరించాలని విజ్ఞప్తి చేశారు.